Den e mesun aña ey, esta na augustus 1977,
MEP como e partido mas grandi a wordo laga for di Gobierno Central y esaki despues di a gana e eleccion di 17 di juni 1977 den forma aplastante: 5 di e 8 asientonan den Staten di Antiyas.
Sin duda cu e mayoria di pueblo tabata exigi respet pa e electorado Arubano cu a vota masalmente pa MEP representa nan. Un ola di protesta a lanta den tur skina di Aruba y dia 11 di augustus 1977 e sindicatonan uni a proclama un welga general y a subi caya.
Henter e situacion a bira pio ora cu dos sindicalista, esta presidente di IOWUA, sr. Chinto Geerman (dfm) y tambe sr. Juan Yarzagaray a wordo deteni pa motibo di distribucion di un pamfleta caminda a anuncia cu paz y trankilidad lo wordo suspendi riba e isla aki.
Coriente a cay afor, henter nos comunidad a keda den scuridad total y Aruba a bay plat. Dilanti warda di polis na Playa a ser organisa un demostracion masal y dilanti di Oficina di Gobierno tabata tin disturbio y tiroteo. Tambe Polis a haci uzo di traangas y kinsena contra e manifestantenan, sutando un pueblo noble cu tabata luchando pa su libertad.
MEP como e partido mas grandi a wordo laga for di Gobierno Central y esaki despues di a gana e eleccion di 17 di juni 1977 den forma aplastante: 5 di e 8 asientonan den Staten di Antiyas.
Sin duda cu e mayoria di pueblo tabata exigi respet pa e electorado Arubano cu a vota masalmente pa MEP representa nan. Un ola di protesta a lanta den tur skina di Aruba y dia 11 di augustus 1977 e sindicatonan uni a proclama un welga general y a subi caya.
Henter e situacion a bira pio ora cu dos sindicalista, esta presidente di IOWUA, sr. Chinto Geerman (dfm) y tambe sr. Juan Yarzagaray a wordo deteni pa motibo di distribucion di un pamfleta caminda a anuncia cu paz y trankilidad lo wordo suspendi riba e isla aki.
Coriente a cay afor, henter nos comunidad a keda den scuridad total y Aruba a bay plat. Dilanti warda di polis na Playa a ser organisa un demostracion masal y dilanti di Oficina di Gobierno tabata tin disturbio y tiroteo. Tambe Polis a haci uzo di traangas y kinsena contra e manifestantenan, sutando un pueblo noble cu tabata luchando pa su libertad.
E tension bao di pueblo a sigui crece, pero locual a causa mas indignacion tabata ora cu Riot Comando a ser manda for di Corsou bao mando di Castillejo Cova, cu a bin marcha den cayanan di Oranjestad pa mustra nan poder.
Tambe a ser tira riba e jeep di Betico Croes y varios persona a ser herida. A ser tira riba otro autonan tambe mientras cu e edificio di Gobierno a keda marca pa bala door di Riot Comando. Na Santa Cruz, Riot Comando a invadi e cas di mayornan di Betico Croes mientras cu e pueblo a wordo humiya y bochorna.
Sinembargo e gran mayoria di pueblo no a sucumbi pa tur e intimidacionnan aki y den forma decidido a sigui lucha pa salba honor y dignidad di e pueblo aki. Un frase importante di Betico Croes den henter e lucha aki tabata: ‘No tin lucha sin sacrificio y no tin sacrificio sin gloria’.
Otro accionnan a encera cu pueblo strategicamente tabata verf riba camindanan publico y edificionan uzando e frase ‘Status Aparte, Aruba Liber’. Tur e accionnan aki tambe a contribui pa habri caminda y sigui pone presion te cu e voz di pueblo a wordo scucha.
Tambe a ser tira riba e jeep di Betico Croes y varios persona a ser herida. A ser tira riba otro autonan tambe mientras cu e edificio di Gobierno a keda marca pa bala door di Riot Comando. Na Santa Cruz, Riot Comando a invadi e cas di mayornan di Betico Croes mientras cu e pueblo a wordo humiya y bochorna.
Sinembargo e gran mayoria di pueblo no a sucumbi pa tur e intimidacionnan aki y den forma decidido a sigui lucha pa salba honor y dignidad di e pueblo aki. Un frase importante di Betico Croes den henter e lucha aki tabata: ‘No tin lucha sin sacrificio y no tin sacrificio sin gloria’.
Otro accionnan a encera cu pueblo strategicamente tabata verf riba camindanan publico y edificionan uzando e frase ‘Status Aparte, Aruba Liber’. Tur e accionnan aki tambe a contribui pa habri caminda y sigui pone presion te cu e voz di pueblo a wordo scucha.