Daphne Agius Cesareo-Lejuez
Mi nomber ta Daphne Agius Cesareo-Lejuez, pero ta usa mi meisjesnaam pa mas facil, cu ta Lejuez. Mi ta casa y ta mama di 2 tieners.
Mi ta biba na Playa y a lanta na Playa, maske mi raiz nan ta diverso, mi abuelo pa parti di tata, Carlton Lejuez, ta di Sint Maarten, isla ariba, pero a biba hopi anja na San Nicolas, mientras mi abuela pa parti di tata ta Everon, di Papilon.
Pa banda di mama mi abuelo, Mirto Cruz, ta di Korsow, un comerciante na Playa, mientras mi abuela tawata Latina y procedente di capital di Santo Domingo. Mientras ambos di mi mayor ta naci na Aruba, ami mes a nace na Hulanda. Dus mi ta un tiki di tur cos, manera hopi di nos Arubiano.
Mi a caba Colegio Arubano, pa despues studia hoteleria na Hogere Hotelschool na Maastricht, Hulanda, pero a opta di cambia direccion y a bai studia Business Administration na merca despues di cual mi a bolbe Aruba bek y a traha un tempo corto den sector hotelero.
Despues di a conoce mi casa na 1997, nos a lanta nos propio compania di online marketing & development cu e anja aki ta cumpli 20 anja di existencia den cual mi tareanan principal ta e aspecto di creativo y innovativo, dus crea producto, concepto y servicionan nobo, como tambe e parti di relacion publico y marketing. E ultimo 3 anja, terminando na december 2016, mi a siribi tambe como miembro voluntario di e directiva di Camara di Comercio pa 3 anja - di cual tambe mi tawata presidente pa e ultimo 2 anja. Durante mi tempo na KvK mi a sinja hopi, y a traha hunto cu diferente instancianan internacional, stakeholders, gremio, comercio en general, como tambe instancianan y representantenan gubernamental local, di Reino y internacional.
Politica
Politica inicialmente no tawata forma parti di mi ambicion personal, mirando cu mayoria biaha politica tin un conotacion negativo cune, muy en particular si bo ta comerciante.
Pero hustamente door di mi experiencia na Camara di Comercio na unda mi a ripara e falta di boluntad politico pa trece mehoracion economico, y consecuentemente mehoracion social a motivami pa tuma e reto aki. Mi lo desea di por aporta na un economia cu ta den balans cu e bienestar general di nos hendenan, dus unda cada un di nos por desaroya segun nan potencial y por hiba un bida digno, cu e oportunidad di tin trabow, un daki riba nan cabes y cuminda den nan cas. Mi lo desea di wak un gobierno cu ta practica bon gobernacion y cu ta hiba un maneho integro, husto, obhetivo y profesional.
Plan y solucion
Na 2015 y 2016 nos no a wak crecemento economico, y 2017 tampoco ta mustra mucho alentador, e cantidad di importacion y nos poder di compra a cai, dus tin menos placa ta lora den nos economia - cu tur consecuencia manera menos cupo di trabow y menos ingreso pa gobierno, cu na su turno no por asisti esnan mas vulnerabel den nos comunidad.
Mirando mi background comercial y innovativo, lo mi desea di comparti mi experiencia pa por aporta na un desaroyo economico duradero diversifica cu ta den balans cu e bienestar general di nos hendenan, pero tambe cu nos medio ambiente, seguridad y salubridad. Lo mester inventarisa e leynan y procesonan existente cu mester wordo adapta y modernisa pa por logra esaki, pa por mehora e procesonan burocratico cu ta hiba hopi tempo pa asina por mehora e clima di inversion local como tambe internacional.
Nos por logra esaki por medio di por ehempel automatisacion y digitalisacion, cu lo no solamente hasi e procesonan mas eficiente, pero tambe lo hiba na un maneho mas transparente, asina purba combati e posibilidad di corupcion den nos aparato riba cualkier nivel. Mirando e ultimo desaroyonan technologico, y pa nos por keda competitivo y atrae industrianan innovativo y pa stimula creacion di cupo di trabow pa nos young professionals por desaroya, ta importante pa nos crea un infrastructura pa stimula e tipo di desaroyo aki. A la ves, MEP tambe kier desaroya simultaneamente varios otro sectornan manera Agricultura, Cria y Pesca, como tambe un mercado popular, pa por sigura produccion alimenticio local, pero tambe na prijs nan faborabel for di region, pa asina por juda na reduci e costo di bida cu ta casi na un nivel inpagabel pa esnan mas vulnerabel den nos comunidad.
Tambe lo enfoca riba un miho control y expansion riba productonan di cansasta basico, y lo explora alternativanan pa miho prijs di gasolin di region.
Tambe lo bai enfoca riba nos infrastructura hotelero existente pa diversifica den diferente otro mercadonan manera turismo medico, turismo di conferencia y otro mercadonan specifico pa por atrae mas bishitante.
Desaroyo economico no ta e meta, sino e herment pa por yega na un mihor bienestar general pa nos hendenan.
Eleccion
Mientras mi ta riba un lista politicio, mi no ta considera mi mes un politico tradicional, mirando cu mi ta bin for di e sector priva y muy en especial Camara di Comercio - y asina por identifica e retonan cu un prespectiva diferente, pero tambe por ofrece posibel solucionan na un forma mas eficiente y efectivo por medio di educacion, innovacion y un maneho integro, profesional y obhetivo.
Si bo ta comparti mi vision pa un desaroyo duradero, sostenibel y den balansa cu nos medio ambiente y e bienestar general di nos hendenan, duna bo aporte por medio di bo voto dia 22 si September benidero, paso hunto so nos por bai p'e Cambio cu Aruba merece!
Mi nomber ta Daphne Agius Cesareo-Lejuez, pero ta usa mi meisjesnaam pa mas facil, cu ta Lejuez. Mi ta casa y ta mama di 2 tieners.
Mi ta biba na Playa y a lanta na Playa, maske mi raiz nan ta diverso, mi abuelo pa parti di tata, Carlton Lejuez, ta di Sint Maarten, isla ariba, pero a biba hopi anja na San Nicolas, mientras mi abuela pa parti di tata ta Everon, di Papilon.
Pa banda di mama mi abuelo, Mirto Cruz, ta di Korsow, un comerciante na Playa, mientras mi abuela tawata Latina y procedente di capital di Santo Domingo. Mientras ambos di mi mayor ta naci na Aruba, ami mes a nace na Hulanda. Dus mi ta un tiki di tur cos, manera hopi di nos Arubiano.
Mi a caba Colegio Arubano, pa despues studia hoteleria na Hogere Hotelschool na Maastricht, Hulanda, pero a opta di cambia direccion y a bai studia Business Administration na merca despues di cual mi a bolbe Aruba bek y a traha un tempo corto den sector hotelero.
Despues di a conoce mi casa na 1997, nos a lanta nos propio compania di online marketing & development cu e anja aki ta cumpli 20 anja di existencia den cual mi tareanan principal ta e aspecto di creativo y innovativo, dus crea producto, concepto y servicionan nobo, como tambe e parti di relacion publico y marketing. E ultimo 3 anja, terminando na december 2016, mi a siribi tambe como miembro voluntario di e directiva di Camara di Comercio pa 3 anja - di cual tambe mi tawata presidente pa e ultimo 2 anja. Durante mi tempo na KvK mi a sinja hopi, y a traha hunto cu diferente instancianan internacional, stakeholders, gremio, comercio en general, como tambe instancianan y representantenan gubernamental local, di Reino y internacional.
Politica
Politica inicialmente no tawata forma parti di mi ambicion personal, mirando cu mayoria biaha politica tin un conotacion negativo cune, muy en particular si bo ta comerciante.
Pero hustamente door di mi experiencia na Camara di Comercio na unda mi a ripara e falta di boluntad politico pa trece mehoracion economico, y consecuentemente mehoracion social a motivami pa tuma e reto aki. Mi lo desea di por aporta na un economia cu ta den balans cu e bienestar general di nos hendenan, dus unda cada un di nos por desaroya segun nan potencial y por hiba un bida digno, cu e oportunidad di tin trabow, un daki riba nan cabes y cuminda den nan cas. Mi lo desea di wak un gobierno cu ta practica bon gobernacion y cu ta hiba un maneho integro, husto, obhetivo y profesional.
Plan y solucion
Na 2015 y 2016 nos no a wak crecemento economico, y 2017 tampoco ta mustra mucho alentador, e cantidad di importacion y nos poder di compra a cai, dus tin menos placa ta lora den nos economia - cu tur consecuencia manera menos cupo di trabow y menos ingreso pa gobierno, cu na su turno no por asisti esnan mas vulnerabel den nos comunidad.
Mirando mi background comercial y innovativo, lo mi desea di comparti mi experiencia pa por aporta na un desaroyo economico duradero diversifica cu ta den balans cu e bienestar general di nos hendenan, pero tambe cu nos medio ambiente, seguridad y salubridad. Lo mester inventarisa e leynan y procesonan existente cu mester wordo adapta y modernisa pa por logra esaki, pa por mehora e procesonan burocratico cu ta hiba hopi tempo pa asina por mehora e clima di inversion local como tambe internacional.
Nos por logra esaki por medio di por ehempel automatisacion y digitalisacion, cu lo no solamente hasi e procesonan mas eficiente, pero tambe lo hiba na un maneho mas transparente, asina purba combati e posibilidad di corupcion den nos aparato riba cualkier nivel. Mirando e ultimo desaroyonan technologico, y pa nos por keda competitivo y atrae industrianan innovativo y pa stimula creacion di cupo di trabow pa nos young professionals por desaroya, ta importante pa nos crea un infrastructura pa stimula e tipo di desaroyo aki. A la ves, MEP tambe kier desaroya simultaneamente varios otro sectornan manera Agricultura, Cria y Pesca, como tambe un mercado popular, pa por sigura produccion alimenticio local, pero tambe na prijs nan faborabel for di region, pa asina por juda na reduci e costo di bida cu ta casi na un nivel inpagabel pa esnan mas vulnerabel den nos comunidad.
Tambe lo enfoca riba un miho control y expansion riba productonan di cansasta basico, y lo explora alternativanan pa miho prijs di gasolin di region.
Tambe lo bai enfoca riba nos infrastructura hotelero existente pa diversifica den diferente otro mercadonan manera turismo medico, turismo di conferencia y otro mercadonan specifico pa por atrae mas bishitante.
Desaroyo economico no ta e meta, sino e herment pa por yega na un mihor bienestar general pa nos hendenan.
Eleccion
Mientras mi ta riba un lista politicio, mi no ta considera mi mes un politico tradicional, mirando cu mi ta bin for di e sector priva y muy en especial Camara di Comercio - y asina por identifica e retonan cu un prespectiva diferente, pero tambe por ofrece posibel solucionan na un forma mas eficiente y efectivo por medio di educacion, innovacion y un maneho integro, profesional y obhetivo.
Si bo ta comparti mi vision pa un desaroyo duradero, sostenibel y den balansa cu nos medio ambiente y e bienestar general di nos hendenan, duna bo aporte por medio di bo voto dia 22 si September benidero, paso hunto so nos por bai p'e Cambio cu Aruba merece!