Mi nomber ta Edgard Vrolijk.  Mi a nace dia 15 juni 1977.  Mi a ser lanta den bario di Shete. Mi ta casa cu Charissa Vrolijjk-Jarzagaray y di nos matrimonio nos tin 3 yiu muhe y dos nieta.  

 

Educacion

Mi a termina mi estudio na IPA na aña 2000 como docente di scol primario. Mi a traha di aña 2000 pa 2017 na Cacique Macuarima School. Na 2021 mi a termina mi studio como Meester in de Rechten na Universidad di Aruba.

 

Deporte:

Na edad hopi jong mi a cuminsa hunga futbol pa S.V. Arsenal unda mi a keda te na edad di 15 aña. Mi a sigui mi carera den futbol cu S.V. Estrella unda nos a titula campion na varios ocasion. Mi tabata miembro di seleccion di Aruba na varios ocasion y a participa na diferente clasificacion di Concacaf. Mi a hunga tambe pa S.V. Sportboys, S.V. Arikok y Deportivo Atlantico. Banda di hunga futbol mi a hunga basketball pa Club Estrella y a hunga baseball pa e organisacionnan di Rockets y Sluggers. 

 

Na edad jong mi a cuminsa coach futbol den SV Estrella y te dia di awe ta sigui activo como coach y miembro di bestuur di S.V. Estrella. Mi a coach baseball pa e organisacion di Grasshopper y pa 17 aña tabata activo den deporte escolar como coach di Cacique Macuarima School unda nos a titula 2 biaha campion interescolar den volleyball y a sa di hiba Cacique Macuarima School como scol deportivo di aña na 2016.

 

Politica

Na 2013 mi persona a aparece riba lista di MEP pa prome biaha cu number 15 y unda a saca 586 voto. Na 2017 mi tabata number 10 y a saca 749 voto y a haya e oportunidad di por drenta Parlamento di Aruba como Parlamentario pa e Fraccion di MEP.

 

Trabao como Parlamentario:

A percura pa traha e ley di financiamento di partidonan politico; e ley di screening pa ministernan; a traha den comicion di Parlamento unda entre otro a logra cu e ley di ombudsman por a bira un realidad; a traha riba e Reglement van Orde. 

 

For di un mocion cu mi persona a entrega na Gobierno pa inverti pa pone airco na scolnan pa por bay na e parti innovativo, mi a cuminsa e Proyecto di Adopta un scol unda Laura Wernet Paskel a bira e prome scol y asina despues gobierno a sigui e mocion aki unda hopi scol a haya airco. Otro Proyecto tabata scolnan innovativo unda cu Cacique Macuarima y Cacique Aterima a bira e promenan den esaki y a sigui cu Pastoor Kranwinkel. Di parti di Gobierno tambe a cuminsa pa inverti den innovacion na su scolnan publico. 

 

Proyecto di Luz di Caravel; Sportboys airco; Estrella Frontgate y e Proyecto mas grandi tabata e Miniveld pa Centro di Barrio Santa Cruz. Mocion pa hendenan cu problema fisico por haya ayudo social obstante cu e cabes di cas tin entrada.

 

Puntonan di enfoke:

 

Integridad:

• Percura pa e ley di screening di Ministers por ser trata y aproba den Parlamento

• Codigo di conducta pa Ministers y Parlamentario

• Implementacion di Reglement van Orde nobo pa Parlamento ser implementa

​

Enseñansa:

• Trece trankilidad y confiansa bek den enseñansa

• Dialogo continua cu e veld di Enseñansa

• Cuido di nos maestronan y garantisa nan siguridad

• Sigui implementacion di SAM(Scol Arubano Multilingual) hunto cu upgrading di docentenan

• Sigui trece innovacion den enseñansa na un manera ordena, structura y bon prepara

• Revisa y mehora nos curiculo basa riba metanan sostenibel, contexto local, 21st century skills 

• Enseñansa pa adulto mester hunga un rol hopi importante den her-, om en bijscholing basa riba necesidad laboral(training on the job).

• Diversificacion di MBO/HBO opleidingen

• Prioridad pa drecha infrastructura escolar cu ta den mal estado

• Pone debido atencion na enseñansa special y tambe na nos muchanan autista y unda MDC lo mester hunga un rol hopi importante

 

Deporte y recreacion sano:

• Mehora y drecha infrastructura existente y percura pa mantencion regular di infrastructura

• Lo yuda den upgrading di coachnan

• Percura pa yuda cu material pa por practica deporte

• Enfoca pa crea e Plataforma pa mas mucha por haya un beca Deportivo den tur ramo di deporte

• Haci miho uzo di Centronan di Bario pa stimula movecion bou nos grandinan

• Enfoca riba scol saludabel

 

 

Cell: 5932764

Email: edgardvrolijk77@gmail.com

Facebook: Edgard Vrolijk/ Meneer Edgard Vrolijk