Parlamentario Endy Croes a tuma nota cu aña di elecion Mike Eman a sali for di su cueba y a stofia algun bachi bieuw y kier manipula pueblo atrobe manera el a hasi 8 aña largo. Mike Eman a priminti Bo pueblo cu e lo “ELIMINA” BBO manera e drenta gobierno na 2009. Mike a drenta gobierno y a haña e BBO na 3% y a goberna 8 aña y momento pueblo a core cune Mike a laga e BBO na 3.5%. Pues Mike Eman a  AUMENTA BBO enbes di ELIMINA BBO. Engaño di Mike. Mike Eman a gaña pueblo cu e lo drenta gobierno na 2009 y lo redusi prijs di awa y coriente cu 25.5% from “day one”. Mike Eman a drenta gobierno goberna 8 aña y a aumenta prijs di awa y coriente cu 35.5%. Rapport di WEB a papia kla. No por lubida con Mike Eman a laga bati pueblo cu klop 1 di october 2014 momento a aumenta e prijs di awa y coriente. Otro engaño di Mike Eman. Mike Eman a pidi pueblo confiansa pa ora e drenta e drecha situacion financiero y lo corta tur gasto. Mike Eman a drenta haña un debe nacional na 43% y a mas cu redobla esaki saliendo na 2017 lagando esaki atras na 93%. Mike Eman a gaña atrobe. Mike Eman a priminti pueblo cu e lo no saka ningun pero ningun dividendo di companianan estatal. Mike Eman a chika nos companianan estatal sacando 201 MIYON florin den 8 aña na dividendo. Mike Eman a gaña atrobe. Awe Mike Eman kier hunga cu sentimiento di zorgverleners?

​Carta di Militair Knops di 18 di Mei 2020 a papia kla:   
Por a tuma nota di Mike Eman y Mervin Wyatt Ras na Hospital. Mervin Wyatt Ras como miembro di Parlamento di AVP a aproba tur e desaster cu AVP a comete durante 8 aña largo. Pues hortamento y corupcion di tereno caso Benny Sevinger Avestruz, actonan coruptivo di Paul Croes caso IBIS, dealnan di CITGO, presupuestonan cada aña cu 400 miyon na deficit. Tur Mervin Wyatt Ras a grita “VOOR”. Cu ki cara Bo kier compaña e autor y creador di e Mega Debe y tata di nos desaster financiero Mike Eman na Hospital cu un storia fantasma? Pa kita tur duda nos a pone man riba un documento esta un carta di Ministerie van Binnenlandse Zaken en Koninkrijksrelatie ( BZK) fecha 18 di mei 2020 firma pa Militair Raymond Knops. E carta aki ta dirigi na Minister President di Aruba referente desicionnan tuma den Rijks Minister Raad di 15 di Mei 2020. Akiden ta para cu cu Rijksministerraad ( Hulanda) a tuma e siguiente desicionnan: “Aruba voert voor 1 juni voor een bedrag van Awg. 5 miljoen aan maandelijkse besparingen bij de Algemene Ziektekosten ( AZV). Deze besparing dient uiterlijk 1 juni aanstaande met het CAFT gecommuniceerd te worden” ( mira copia adhunto). Esaki ta pa kita tur duda. Tanto Gobierno y Parlamento a bringa e desicion aburdo unilateral y cruel aki di e Hulandesnan. Parlamento promer siman di januari 2021 a reklama esaki fuerte durante reunionnan di IPKO. Pues tin esaki ainda riba agenda pa keda debati y trata na yega na un otro formula husto y mas humano. Mientrastanto lo mester cumpli cu diferente exigencianan di Hulanda den 2021 pa sigui haña e sosten financiero. Pues pa Mike Eman y Mervin Wyatt Ras kier hinka den nan cabez pa culpa gobierno actual di un desicion descabeya y fuera di tur etica cu gobierno Hulandes a tuma ta absurdo. Nos ta papia cu prueba y no ta papia kakalaka. Pueblo lo sa di huzga e gang di bandido y piratanan aki di AVP pronto den e siguiente elecion.      ​

​Siman pasa hunto cu Parlamentario Endy Croes a reuni cu dos ehecutivo di Eagle LNG, esta e presidente sr. Sean Lalani y vice presidente di desaroyo comercial sr. Filipe Pinto. Manera ta conoci siman pasa Eagle LNG cu RDA a firma un acuerdo di exclusividad pa desaroya un planta di gas na Aruba. 
 
EAGLE LNG PARTNERS
Eagle LNG su oficina principal ta situa na Houston, Texas y ta un grupo priva cu ta forma parti di “The Energy & Minerals Group”. E compania tin diferente planta den Caribe y ta percura pa distribui gas natural pa diferente paisnan Caribense. Esaki a conduci cu a crea hopi cupo di empleo den e paisnan aki y un impacto economico positivo grandi. E meta principal di e compania ta pa ofrece LNG limpi pa diferente mercado, manera maritimo, energia, exportacion y “mining”. Pa asina consecuentemente baha costo di awa y electricidad.
 
PLANTA DI GAS NA ARUBA
Den combersacionnan cu nos a hiba cu sr. Lalani y sr. Filipe nan a indica cu e planta cu Eagle LNG kier construi na Aruba ta similar na e planta cu nan ta opera na Jacksonville, Florida. Ta trata di un facilidad “small-scale” cu lo distribui gas natural pa WEB y paisnan Caribense den nos region. Riba website di e compania, www.eaglelng.com por haya tur informacion di tur e diferente plantanan cu e compania tin y cu nan ta opera. 
 
INVERSION DI EAGLE LNG
Awor cu a firma e acuerdo di exclusividad e inversionnan di parti di Eagle LNG lo inicia mes ora. Esaki e presidente di Eagle LNG sr. Lanani mes a indica. E parti di “engineering” lo inicia aworaki y pa e parti aki ya caba tin inversionnan ta wordo haci y cupo di trabou ta wordo crea. Simultaneamente e proceso pa adkeri tur permiso necesario a wordo inicia. Ta premira cu na Juni e construccion di e planta lo inicia. Presidente di Eagle LNG a indicia cu pa e fase di construccion lo crea directamente alrededor di 150 cupo di trabou. Y ta trata kinan di cuponan di trabou local.
 
PA CONCLUI
Algun luna pasa a comunica e necesidad y importancia pa kibra e contract cu Citgo, pa ainsa por hacie posibel pa capitalisa riba oportunidadnan nobo pa pais Aruba. Fey momento cu a kibra e contract a inicia e proceso transparente pa adkeri inversionnan nobo y siman pasa Aruba por a experencia e balor agrega di a kibra e contract cu CITGO. Un oportunidad unico pa Aruba su economia a wordo cristalisa cu firmamento entre RDA y Eagle LNG. E inversion di 185 miyon dollar cu Eagle LNG ta bay haci lo yuda nos sali mas fuerte di e crisis actual.

​Diahuebs por a sigui un conferencia di prensa unda sigur den bista di e funcion cu parlamentario Robert Candelaria a yega di sirbi den Cuerpo Policial, den su funcion como predicador di palabranan di Dios unda den e funcion aki e 10 mandamentonan ta hopi importante, y sigur dos di nan ta hopi importante esta no horta y no gaña. Lamentablemente ora pueblo completo a spera cu sr Robert Candelaria lo bin y exigi retiro di sr Benny Sevinger, ata sr Robert Candelaria a scoge pa lesa locual nan a skirbi p’e y ataca nos Minister di Salud y trece mentiranan dilanti.
 
Parlamentario Robert Candelaria instigando y treciendo mentira
Mi persona te ainda no por kere cu un persona cu den mi bista mester por papia berdad debi na su otro funcion, ora e bisti e bachi ta lubida su propio creencia unda cu ta instiga pueblo y sigur trece mentira cu e gobierno aki a percura pa corta den gastonan medico. Señor Robert Candelaria sa cu ta AZV mes a haci su propio doorlichting pa wak unda por corta gastonan den bista cu e fondo di AZV si e sigui e rumbo cu nos a encontra esaki na 2017 no ta sostenibel y sigur no ta e intencion pa cada bes pa subi BAZV pa por wanta e fondo cu tur aña ta sigui crece. Pues mi ta lamenta cu ta ataca Minister Dangui Oduber manera cu ta su persona ta causante di e cortamento y sigur unda den pandemia aki su persona a sa di traha dia y anochi pa supera e efectoanan riba salud, turismo y economia, mientras sr Robert Candelaria ta instiga y purba manipula pueblo y crea rabia y mi ta puntra mi mes ta ki tipo di hende sr Robert Candelaria ta.
 
Sr Robert Candelaria sostenedor di fraude y corupcion
Mi no por kere te ainda cu sr Robert Candelaria ta para pa fraude y corupcion. Awe ora a kere cu elo bin y bisa cu ela exigi retiro di Sr Benny Sevinger, pueblo completo a keda desapunta di su persona pa su falta di caracter y sigur su falta di integridad. Ta con un homber di husticia por sigui acepta p’un persona cu tin acusacionan asina pisa por keda como parlamentario y mester traha cune riba plannan di integridad pero sigur di husticia cu ta encera combati corupcion y fraude.
 
Sr Robert Candelaria mes no ta integro
Na 2017 pueblo ainda ta corda con sr Robert Candelaria a negosha su entrada den AVP, unda cu bao capa di supuesto trabao gobierno di AVP a paga su biahenan y unda na final di dia ex Minister Mike de Meza a honre un salario di casi 8000 florin pa luna pa supuesto trabao di cordinador, pero cu na final di dia tabata pa campaña paso den periodo di despedida bo funcion ta absoleto. Y sigur banda di esaki a percura pa biahe y mudamento di famia completo cu pueblo a paga. 
Y p’ami esaki ta e motibo pakico e no por ni tribi di habri su boca, paso e ta parti di e clan di corupcion yama AVP.
 
Pues manera hopi di sostenedornan di Robert Candelaria mi persona tambe ta hopi desapunta, paso nan a kere cu elo por ta diferente pero na final di dia ela pega cu e ideologia Machiavelico di su partido y lider sr Mike Eman esta: haci tur cos pa yega y keda na poder pues gaña, manipula hende y hasta usa identidad falso pa por haya voto y yega na poder.