Recientemente nos por a tuma nota cu habitantenan di Parkietenbos a hiba gobierno corte y esaki a duna gobierno un termino di 3 luna pa por trece un solucion pa e problematica di dump na Parkietenbos y e molester di holor di Sero Thijshi. Y esaki ta na su lugar tambe pasobra pa añanan e habitantenan ta bibando den un situacion indeseabel.


Importancia pa haya contesta riba preguntanan
E situacion di Parkietenbos y e problematica di desperdicio ta algo cu mester yega na un solucion no solamente riba un termino cortico pero esaki mester bira un solucion duradero y sostenibel. Den esaki e rol di Serlimar lo mester ta uno hopi importante. Y den esaki mester percura pa Serlimar ta financieramente stabiel pa por carga cualke proyecto a largo plazo y p’asina trece un solucion pa e problematica di desperdicio na Aruba. Y pa e motibo aki ta hopi importante pa mi por ricibi contesta riba mi preguntanan cu mi a dirigi na Minister pa loke ta e situacion di Serlimar. Alabes mi preocupacion ta e situacion financiero y operacional di Serlimar cu mester bira uno sostenibel.


Solucion pa problematica di sushi
E situacion di e dump di Parkietenbos ta deplorabel y a yega momento pa cera y percura pa sanea esaki pa por brinda tambe e oportunidad na e aerea di naturalesa cu pa añanan a bay perdi rond di e dump. Mester por recupera y crea un zona sano un biaha mas cu awo a bira un zona contamina y unda mangrovenan a bay perdi.
Tin diferente solucion riba mesa, unda pa cera e dump mester bin un sanitary landfill y unda ta separa sushi y deposita na cada lugar corespondiente y mientras ta reduci e sero di Parkietenbos y crea un lugar sano. Pero esaki no ta suficiente pasobra esaki ta un parti di solucion pero mester bin algo mas y mester percura pa conscientisacion unda pueblo mester bira mas consciente riba e uso di desperdicio y lo mester reduci e cantidad di sushi na cas y tambe bay den e pensamento di reusa y recicla. Den otro caso gobierno tabata pensa riba un Incinerator pero sigur e situacion financiero di Serlimar y pais Aruba no ta e mihor debi na debenan extravagante di gobernacion anterior ta haci esaki mas dificil. Bailing tabata un opcion pero actualmente mirando e molester di holor esaki ta haci e opcion aki uno dudoso, Pero tambe tin e posibilidad di exporta esaki pa un periodo di tempo unda cu Aruba y Serlimar ta haya e espacio financiero y tempo pa bin cu un solucion duradero y sostenibel pa e problematica di sushi y medio ambiente den e pais aki.


Ley di Serlimar
Hopi ta critica e ley pero e ley aki lo crea e plataforma financiero pa haci Serlimar sostenibel y alabes lo percura pa Pais Aruba reduci su subsidio y e placa aki por ser inverti den crea un Sanitary Landfill y cera e dump na Parkietenbos definitivamente. Y e mecanismo di control cu nos di parlamento di fraccion di MEP a trece den e ley unda cu cada 6 luna den e proceso pa stabilisa Serlimar financieramente e minister y e director tin di bin duna cuenta na Parlamento. Esaki sigur ta crea e mecanismo di control y lo percura pa haci Serlimar sostenibel financieramente. Tambe lo percura pa esaki por mehora nan operacion y asina impedi cu den un futuro nos desperdicio lo por cay den man di un compania cu lo tin e monopolio y cu e lo stipula tarifa y nos lo experencia locual ta pasando na entre otro nos waf di carga unda cu ki ora cu kier ta lanta e prijsnan di container y ningun hende no por bisa nada.

Parlamentario Endy Croes durante su conferencia di prensa diaranson ultimo a elabora riba diferente punto. Entre otro a papia riba AZV y e comision cu lo wordo lanta dentro di poco pa asina trece recomendacionnan pa cambionan cu gobierno lo eherce. Tambe Parlamentario Endy Croes a elabora riba “red tapes” den e aparato gubernamental entre otro pa saca permiso pa habri un koffiehuis, tardansa na Notarionan pa lanta un NV of VBA, tardansa pa haya un vestigingsvergunning y tardansa pa haya un bestemmingswijziging pa nombra un paar. Un hende por ta facilmente 6 luna bezig cual ta tranca nos economia y a splica cu ta trahando duro pa corigi esakinan.


Na final Parlamentario Endy Croes a splica cu el a scucha Mike Eman elabora den un conferencia di prensa extraordinario di AVP dunando un update di salud di su casa sra. Doina Eman. Aki Parlamentario Croes a bisa cu malesa no ta discrimina color politico, rasa of religion y cu su persona ta compronde hopi bon e dolor cu cualkier famia ta pasa aden na momento cu un ser keri wordo diagnostica cu cancer of cualkier otro malesa pisa. Parlamentario Endy Croes a sigui splica cu e mes a pasa den e proceso di cancer cu su señora y sa kico esaki ta significa pa cualkier ser humano. Nos por ta contrincante politico fuerte pero alabes a expresa cu tin momento den bida cu gentiles di e ser humano mester por supera tur diferencia y a expresa palabra di beterschap pa Doina Eman y pa tur conciudadano cu por ta sufri di un of otro tipo di malesa pisa. Cu un Fe intacto y speransa Endy Croes a termina cu e dicho “Lo cortes no quita lo valiente”.

Parlamentario Endy Croes a keda babuca momento cu el a tuma nota cu Richard Arends den un conferencia di prensa di partido AVP a cuminsa cuestiona e maneho financiero di pais Aruba. Richard Arends awor kier cuestiona tambe entradanan cu gobierno actual a logra ricibi den 2018 y 2019. Hustamente un tipo “mafioso” manera Richard Arends, consehero di Mike Eman ta esun cu menos mester trata na bin dilanti riba e tema financiero. Hustamente Richard Arends kende tabata e “mind” di e gobierno anterior y pues e padrino di e desaster financiero y Mega Debe.


Richard Arends a chica y sigui chica
Richard Arends cu Mike Eman ta esnan cu a tuma decisionnan descabeya pa hundi e pais aki prestando 2000 miyon florin den 8 aña. Ta mesun duo “perfecto” aki ta esnan responsabel di a redobla interes di pais unda pueblo di Aruba durante aña 2019 a paga 232 miyon solamente na interes riba placa cu nan a presta. Richard ta compronde cuanto scol por ehempel nos por a construi cu e placa aki? Mester refresca mente di Richard Arends cu mediante su compania Horizon Consultancy el a traha un structura pa chica na forma legal miyones di e pueblo aki. Horizon Company a la “chupa cabra” a ranca 4 miyon di pagadornan di belasting. Mesun Richard Arends aki a conseha Utilities cobrando rond di 500 mil florin y e mesun Richard Arends aki a conseha RDA pa un otro suma di alrededor 500 mil florin. Na final di su conseho di vital importancia tabata ta cu Mike de Meza y Mike Eman a honra Richard cu e posicion di directeur financiero di RDA cu un salario di Afl. 23 mil pa luna, mas tur sorto di beneficionan secundario. Mas tristo tabata cu Mike de Meza a firma tambe cu esun cu mishi cu Richard of kibra su contract mester pag’e 2 miyon florin. Parlamentario Endy Croes ta puntra su mes ta ki grado di sinberguensura e hendenan aki por tin?


Mas chicamento di AVP
Banda di acomoda Richard Arends, Mike Eman y AVP a percura pa paga Abogado Sjiemfat 5.3 miyon di pueblo, Patrick Paskel y Speed kendenan a lanta companianan manera paddestoel tambe a cobra rond di 7 miyon. Sumanan minimo di 125 mil tur luna tabata pasa riba nan account. Kico ta e embergadura di trabounan cu por a haci pa e sumanan ridiculo aki? AVP a celebra apertura di CITGO como 3 biaha y den un solo apertura cu DESTRA a malgasta casi 800 mil florin. Awor e “bandoleronan” aki manera Richard Arends kier cuestiona gobierno actual riba su maneho financiero? AVP a laga atras deficitnan di 444 miyon algun aña atras cual na 2019 ya a wordo converti pa un Surplus chikito y lo alcansa 25 miyon Surplus den 2020 hustamente pa paga debenan di Mike Eman y Richard Arends.


Parlamentario Endy Croes ta termina bisando cu ta mihor Richard Arends keda leu y no papia mes riba presupuesto of finansas di Aruba como cu hustamente ta Richard Arends ta e padrino di henter e desaster aki. Laga e gobierno aki cuminsa drecha boso desaster den minimo 4 aña. Un cos mester ta cla pa henter pueblo cu nunca pero nunca mas AVP merece un oportunidad. Parlamentario Croes ta termina bisando “loque no sirve se bota”.

Parlamentario Endy Croes a amplia riba un caso cu colega Rocco Tjon a entama contra Benny Sevinger na inicio di januari cual sentencia a cay dia 21 di februari ultimo na fabor di Rocco Tjon. Benny Sevinger y AVP ta keda hiba e politica anticua unda constantemente nan kier atacha imagen di cualkier colega contrincante pa asina purba kibra un persona pa strob’e di sigui crece den un proximo eleccion. Nos conoce e politica di “shishi” aki hopi bon. E politica di shishi aki ta wordo practica entre otro pa Benny y AVP pa hopi aña y esaki nunca a cambia.


Benny Tropicana
MEP pa hopi aña no a bergonsa Benny of baha di nivel pa puntra Benny Sevinger por ehempel unda el a conoce su casa? Nos tur sa cu Benny un tempo tabata wordo relaciona cu Tropicana Bar y ta wordo yama “Benny Tropicana” cual tin su significacion pero a lo menos nos no ta sinti cu ta esey ta e direccion cu mester hiba politica den temponan mucho mas moderno. Pero kisas si ta e avenida aki nos mester cana bek pa pueblo compronde ken ta ken anto nos lo bin ampliamente un otro momento pa splica pueblo e significacion di “Benny Tropicana”.


Benny a comete un acto ilegal
November aña pasa Benny Sevinger a sinti e necesidad durante un programa radial pa yama colega Rocco Tjon pedofiel y alabes a acusa Rocco cu Rocco lo a gaña pa asina e por a bira Directeur na KIA. Rocco a hiba Benny corte pa asina Benny por prueba su acusacionnan tira den direccion di Rocco. Den un sentencia basta amplio Hues a bati atrobe riba dedenan largo di Benny Sevinger. Adhunto un passage di e sentencia: “Pag 6 na 4.7 Van Sevinger mag de nodige voorzichtigheid worden verwacht als het gaat om uitlatingen over een mede Statenlid betreffende een dergelijke uiterst gevoelig onderwerp, te meer nu Sevinger zelf ter zitting heeft verklaard dat hij onbekend is met de inhoud van de rapporten in de strafzaak tegen Tjon. De conclusie is dat Sevinger met zijn uitlating onrechtmatig heeft gehandeld jegens Tjon”. Pues aki Hues ta duna un veredicto cu Benny Sevinger a actua onrechtmatig contra Tjon. Benny a comete un acto ilegal door di acusa Tjon publicamente di algo cu Benny no por a para pe y tampoco por a prueba den ningun sentido di palabra como cu esey simplemente no ta existi. Tin veredictonan anteriormente y si Benny a haci su huiswerk debidamente nunca Benny lo por a haci un acusacion asina contra Tjon.


Benny a bolbe gaña mahos
Den e di dos acusacion di Benny den direccion di Tjon Hues den su veredicto a bolbe trapa e dedenan largo di Benny y a amplia bisando cu locual Benny a bisa di colega Tjon cu Tjon lo a gaña pa bira Directeur di Kia ta completamente falso. Adhunto palabra di Hues den e sentencia: “4.11 De slotsom is dat de uitlating van Sevinger, inhoudende dat Tjon heeft gelogen betreffende het directeurschap van KIA, geen feitelijke basis heeft en dus vals is. Hoewel voorhands vaststaat dat Sevinger onwaarheid heeft gesproken”. Pues aki atrobe Hues ta splica den su veredicto cu Benny a gaña y tur locual Benny a bisa ta mentira y ta falso.


Veredicto ta prueba cu Benny a gaña
Hues a termina splicando cu e no ta mira e necesidad pa un rectificacion pasobra di acuerdo cu Hues e veredicto aki cual Tjon tin awor den su poder ta papia hopi cla y ta prueba cu Benny a gaña y a actua onrechtmatig contra Tjon. Como cu Benny a bisa e engañonan aki cual a bay solamente un tempo cortico y hopi limita den aire durante e programa radial, Hues ta sinti cu pa e bienestar y interes di e reputacion di Tjon e contenido di e veredicto aki ta brinda Tjon suficiente espacio y satisfaccion pa por reacciona bek atrabes di un conferencia di prensa mustrando pueblo cu e veredicto di Hues aki ta prueba cu Benny Sevinger a gaña den su expresionnan contra Tjon. Pa e rasonnan aki Hues no a sinti necesario pa exigi Benny pa rectifica den diferente otro prensa.


Finalisando Rocco Tjon a gana e caso y tin un veredicto den su poder awor cu “Benny Tropicana” y tambe conoci como Benny Avestruz den e casonan di corupcion den tereno, ta un mentiroso patologico. No ta promer biaha Huesnan ta bati riba Benny su dede. Nos por corda tambe con Hues a yega di bisa Benny den un sentencia cu Benny ta zaag pianan di estado di nos derecho tempo cu Benny a duna Boutique Hotel Ocean Z un bestemmingswijziging contra decision di Hues.

​Parlamentario Endy Croes a splica cu siman pasa Fraccion di MEP a haci un bishita oficial na Banco Central. E topico riba agenda entre otro tabata e Ley pa proteha consumidor. Kico esaki ta encera? Na Hulanda y otro paisnan rond mundo tin un Ley cu ta proteha consumidornan contra interesnan despropocional. Por ehemplo, momento cu Banco pa algun rason no duna un prestamo na un ciudadano e persona aki ta bay presta na otro instancianan cu ta brinda prestamo na un interes mucho mas halto. Asina ta existi otro companianan cu ta presta producto na interes sumamente halto. Tin cu ta alcansa 600% ora bo calcula esaki.


Otro tipo di negoshi ta esnan cu ta tuma un producto di e persona a cambio di placa. Asina tin un variedad riba mercado. Pa e rasonnan aki hopi biaha e conciudadano inocente ta cay den un spiral di problemanan financiero y social.


E ley aki hustamente ta pa proteha e conciudadano pa cay den gara di un servicio cu interes despropocional. Sinembargo ta importante pa tene e portanan habri pa e famianan humilde por bin na remarke pa prestamo nan chikito esta (micro lending) cu reglanan ancra den Ley na bienestar di e homber chikito. Lo introduci por ehemplo un krediet register cu tur compania cu ta brinda servicio di presta placa, presta producto of ta cambia producto pa placa mester bay cay bou di dje. Esaki lo yuda brinda e proteccion na e conciudadano.


Banco Central a brinda Fracion di MEP un presentacion di e Ley cu Banco Central a traha cu diferente experto unda a revisa entre otro e ley existente di Hulanda. Corsou y Bonaire tambe tin e Ley aki in place unda Corsou por ehempel a “settle” na 25% maximo na mientras. Bonaire esaki ta 23% maximo incluyendo tur gasto inclui esta APR (Annual Percentage Rate). Di acuerdo cu informacion Minister di Finansas a ricibi un presentacion y e ley aki actualmente ta na gobierno unda tin un conseho di Raad van Advies caba riba dje.


Fraccion di MEP lo manda un carta pa Minister e siman entrante pa por adkiri poco mas informacion riba e ley aki y pa por tin un fecha tentativo cu esaki por ta yegando Parlamento y pa asina Parlamento por schedule su rondanan di consulta cu stakeholdersnan. Unabes pasa door di e proceso aki Presidente di Parlamento lo stipula un fecha pa e ley por wordo trata y asina Aruba tambe lo tin un ley pa proteha consumidornan mescos cu gran mayoria di paisnan rond mundo.

​Parlamentario Endy Croes ta desea henter Aruba un fin di siman placentero gosando sanamente di nos Carnaval. Carnaval ta parti di cultura di nos pueblo y ta un di e celebracionnan di mas grandi cu Aruba conoce cu un sosten masal.


Tur aña sa tin su ups and downs pero algo sigur ta cu e ta toca sea nos tur of parti di famia di un di nos cu e amor grandi pa celebra carnaval. E fin di e siman aki tanto diasabra como diadomingo tin e dos paradanan grandi di San Nicolas y Oranjestad como e paradanan final di Carnaval pa despues nos bay over pa kima Momo y drenta un otro temporada.




Parlamentario Endy Croes ta pidi henter pueblo pa ban celebra esaki den un forma consciente y laga Aruba ta ehempel pa mundo con nos ta celebra carnaval cumpliendo cu siguridad di un y tur. Si bo ta bebe no stuur. Corda cu tin famia cu ta stima bo ta warda na cas. Responsabilidad y disciplina lo ta nos “motto” te final. Disfruta di boso Carnaval

Manera ta conoci na final di aña pasa Sevinger durante un conferencia di prensa lo a trece acusacionnan padilanti contra mi persona. E acusacionnan aki tawata regarda mi yiu caminda cu Benny Sevinger a yamami pa pedofiel y e hecho cu mi lo a supuestamente gaña pa por a bira director di KIA.


Despues cu mi a entama un caso contra Benny Sevinger, awe huez a dunami razon. Den su sentencia huez ta bisa cu Benny Sevinger a actua "onrechtmatig" contra mi persona y cu su expresionnan ta falso. Literalmente huez ta bisa cu mi persona a haya razon paso e acusacionnan di Benny Sevinger contra mi persona ta falso!

Otro siman lo mi elabora riba e sentencia y duna un splicacion amplio riba su contenido pa pueblo ta debidamente informa y asina haya sa e tipo di politica cu Benny Sevinger ta para pe y practica.

Click aki bou pa copia di e sentencia.

Statenlid Endy Croes van de MEP-partij heeft vragen gesteld aan de Minister President inzake onregelmatigheden betreffende oppositielid Robert Candelaria (AVP).
​
Croes gaf het volgende verhaal.
Op 4 augustus 2017 heeft Robert Candelaria zich op de kandidaatlijst geplaatst voor de AVP-partij, die op dat moment nog in de regering zat. Candelaria is met ingang van 15 augustus 2017 in dienst genomen door de voormalige regering als adviseur bij de ex minister van Toerisme en Transport, Mike de Mesa, die nu ook statenlid is voor de oppositiepartij AVP. Op het moment dat hij in dienst was getreden was het net voor de verkiezingen van 2017, en als kandidaat van de AVP-partij was Candelaria volop in verkiezingscampagne.
Candelaria heeft volgens informatie een salaris ontvangen van Afl. 7.835,= per maand. En dat is niet alles, want Candelaria heeft daarnaast ook geeist dat de reis- en overtochtkosten van hem en zijn familie ook door het Land vergoed moeten worden. Daarvoor woonde en werkte hij in Curacao voor de bedrijven van familie de Veer.
Wat blijkt nu, toen Candelaria nog in Curacao woonde, reisde hij regelmatig naar Aruba, op kosten van de regering, in de periode juni – augustus 2017.
Alsof dit alles niet voldoende was, werd hij met ingang van 1 oktober 2017 benoemd als directeur van Directie Scheepvaart.
Op 27 oktober 2017 werd beëdigd als lid van de Staten van Aruba.
Over deze gang van zaken wil Statenlid Endy Croes helderheid van de regering.
Croes stelde 8 vragen.


Indienstneming als adviseur:
In verband met de indienstneming van Candelaria bij de ex Minister van Toersime met ingang van 15 augustus 2017, wil Croes weten of de regering kan aangeven of Candelaria daadwerkelijk heeft gewerkt als adviseur van de Minister van Toerisme, vanaf 15 augustus. Hij wil bijvoorbeeld weten of er adviezen door Candelaria zijn opgesteld, of andere bewijzen waaruit blijkt dat hij daadwerkelijk heeft gewerkt voor het salaris van Afl. 7.835,=.


Dienstreizen:
Candelaria is op 15 augustus 2017 in dienst genomen. Daarvoor is hij regelmatig op Aruba geweest onder op kosten van het Land, onder toekenning van een vergoeding voor dienst reizen i.v.m. werkbesprekingen. Croes wil van de regering weten hoe iemand die niet in dienst is van het Land, vergoeding kan ontvangen voor dienstreizen i.v.m werkbesprekingen. Immers, Candelaria zou in juni, juli en augustus regelmatig op kosten van de belastingbetaler naar Aruba zijn gereisd, terwijl hij nog in dienst was van de Veer in Curacao. De belastingbetaler heeft naar schatting meer dan Afl. 50.000 betaald voor deze reizen. Croes vindt daarom dat duidelijkheid moet worden verschaft. Croes heeft tenminste 3 bewijzen hiervan, maar heeft de indicatie dat er veel meer “dienstreizen” zijn geweest, en wil een bevestiging van de regering. Croes wil ook weten wie deze dienstreizen heeft geaccordeerd. Croes denkt zelf niet dat het “dienstreizen” zijn geweest, maar reizen ten behoeve van de AVP-partij om campanje te voeren. Dit is strafbaar.


Benoeming als directeur:
Op 22 september 2017 zijn verkiezingen gehouden in Aruba. De AVP partij van Candelaria heeft toen 4 zetels verloren, een enorme nederlaag. Het was duidelijk dat Candelaria niet meer als adviseur werkzaam zou zijn. Maar de AVP-partij had een betere beloning voor hem als dank voor zijn kandidaatstelling: met ingang van 1 oktober 2017 werd hij benoemd als directeur van de Directie Scheepvaart, zonder dat ooit de vacature is gepubliceerd.
Croes wil weten of voor de functie van directeur van Directie Scheepvaart een open sollicitatie procedure heeft plaatsgevonden, en dus op welke vacature plaatsing Candelaria heeft gesolliciteerd.
Croes wil ook weten of de voormalige AVP-regering voor de benoeming van Candelaria advies heeft aangevraagd van Departamento di Recurso Humano, en of dit advies positief of negatief was. Hij wil ook een copie van dat advies.
Croes wil ook weten of Candelaria op het werk bij Directie Scheepvaart is verschenen in de periode 1 oktober 2017 en 27 oktober 2017, en of hij salaris ontving over deze periode.
Tenslotte vraagt Endy Croes aan de Minister President of een politie ambtenaar met veel ervaring zoals Candelaria, niet op de hoogte moet zijn van de procedures binnen de overheid. Candelaria was niet zomaar iemand, hij was Hoofdinspecteur van Politie, moet hij niet weten dat dergelijke beslissingen in strijd zijn met geldende regels en richtlijnen binnen de overheid?


Croes benadrukt het feit dat zijn collega’s Rocco Tjon en Edgard Vrolijk deze onregelmatigheden al eerder hebben aangekaart, maar dat Candelaria daar nooit op heeft geantwoord. Daarom eist Croes duidelijkheid van de regering. De volgende stap van Croes zal zijn om aangifte te doen tegen Candelaria, en van Candelaria te eisen dat hij alles wat hij ten onrechte heeft verdiend, terug te betalen. Zijn salaris als adviseur, zijn salaris als directeur en de “dienst reizen”.
Zeker iemand als Candelaria, die nu pretendeert zo ‘heilig’ te zijn, moet zich schamen voor deze onregelmatigheden en hij moet daarvoor betalen.

​Parlamentario Endy Croes a splica cu a bolbe gara Mike de Meza y Mike Eman ta gaña. Nos por corda con Mike de Meza, Mike Eman y Alex Schwengle a fiesta cu e reapertura di Joe Laveist Sport Park na november 2015. E tempo aya ambos mandatario a gradici Lotto pa Deporte cu aparentemente lo a inyecta placa pa renoba Joe Laveist Sport Park.


Locual a resalta recientemente durante cu Parlamento a trata e rapport Bo Aruba siman pasa cu e rapport aki a dedica un capitulo na Joe Laveist Sport Park. Pa nos asombro a bin resulta cu tur e gradicimento di Mike de Meza y Alex Schwengle na Lotto pa Deporte pa haci como sifuera cu ta Lotto a renoba Joe Laveist Sport Park tabata falso y un engaño total na henter pueblo. Nos ta contento si cu Joe Laveist a wordo renoba pero ta rechasa e manipulacion y gañamento di Mike de Meza y AVP.


Den e rapport di Bo Aruba, Algemene Rekenkamer a constata cu Joe Laveist Sport Park a wordo drecha cu placa di FDA, esta Fondo Desaroyo Aruba pa un total di 3.8 miyon florin. Ningun caminda por a mira cu Lotto lo a aporta financieramente den e proyecto aki. Tristo ta cu Mike Eman, Mike De Meza y Alex Schwengle a manipula y gaña pueblo pa laga Lotto mustra bon y cu ta Lotto a inverti den e renobacion. Ta unda y ta ken a bay cu tur e placa di Lotto anto?


Claro despues cu desde 2012 a firma un contracto mafioso cu CBN unda a duna CBN 12 miyon pa aña den un contracto cu ta termina te 2031 (placa di pueblo), no ta resta placa pa inverti den proyectonan deportivo di Aruba. Adhunto prueba di rapport di Algemene Rekenkamer. Tambe nos lo pone 2 artikel di aña 2015 pa ilustra con manipulador y gañado Mike de Meza y Alex Schwengle ta. Hendenan asina nunca pero nunca mas por carga sosten di pueblo. Ambos ta politiconan mentiroso cu a bende Lotto. Dieptriest. Nan no ta integro, nan no ta transparente y nan ta mentiroso ten top!

Recientemente nos a trata e investigacion di proyectonan ehecuta bao di Gabinete Eman 1 y 2 cu a hiba como titulo: “Bo Aruba”. Cu e investigacion aki Algemene Rekenkamer kier a manda futuro gobiernonan y tambe parlamento di Aruba e mensahe cu pa futuro cercano tin aspectonan cu mester tene cuenta cu ne y cu no mag pasa mas ya cu no por endeuda pueblo cu proyectonan cu no tin cobertura financiero. Y un aspecto cu tambe a resalta ta cu e parti di transparencia den proyectonan ta esencial pasobra locual a pasa di 2009 pa 2017 tabata parce cu parlamento tabata reuni solamente pa sostene un gobierno, pero hamas a ser informa debidamente di e risico financiero pa Aruba haciendo e proyectonan aki.


Lo mas resaltante di e investigacion
BO ARUBA tabata un proyecto cu lo mester a costa pueblo di Aruba no menos cu 1.6 biyon florin y unda cu e PPP proyectonan manera Hospital, Green Corridor, Watty Vos Boulevard y edificionan di MFA y algun otro proyecto mas di embeyecimento di Aruba a causa un daño grandi na nos pais. Lo mas resaltante di e investigacion aki ta cu hopi proyecto a ser haci sin nan tabatin un projectdossier (niun planificacion) na ordo. Pues tabata carece di un plan y na ki forma e proyecto aki lo yuda pa resolve un problema den comunidad. Y tabata carece un evaluacion di cada proyecto pa wak si esaki a sirbi su meta. Pero lo mas resaltante tabata cu no por haya den casi ningun proyecto ta con lo yega na e fondonan pa e proyecto y con lo mester mantene e proyectonan aki cu ta uno hopi importante. Ora bo bay wak bek cu casi tur e proyectonan aki a ser haci na un manera di fia y despues wak con lo paga. Ehempel di esaki ta e proyectonan PPP y e MFA unda cu a fia pa traha esakinan y nunca a traha e cuadro financiero con lo mester paga esakinan. Awe e pueblo ta mara na e proyectonan aki cu lo mester paga 82.4 miyon florin tur aña y te cu aña 2044. Y lo mas tristo ta e ehempel di e MFA-nan unda a fia pa 5 edificio di MFA pero na final a traha 4 pero pueblo tin di paga te cu 2044 pa e ehecucion di 4 edificio. Otro ehempel ta e Hospital cu a ser traha sin operatie kamer, boiler di diesel paden di edificio y tambe manera awa yobe tur pashent ta cuminsa resa pa nan no ser benta pa awa pafo di edificio manera a pasa recientemente.


Benny Sevinger no a ‘give a damn’
Algo cu a resalta ta e falta di respet di ex Minister Benny Sevinger na e organo di Algemene Rekenkamer cu ta un organo independiente di Parlamento. Unda cu a manda pidi e ex Minister aki pa bin duna cuenta pero el a opta pa no bin duna cuenta y riba dje lamentablemente e ex Promer Minister Mike Eman no a percura pa Algemene Rekenkamer tabatin suficiente miembro pa por tin quorum cu consecuencia cu e rapport aki no por a ser publica prome cu eleccion 2017. Pero p’ami ta keda e incertidumbre cu maske no tin miembronan pa tin quorum, si no a informa parlamento di Aruba cu e ex Minister aki no kier bin duna cuenta pasobra Algemene Rekenkamer ta traha pa Parlamento di Aruba. Hecho ta cu den nos constitucion Minister tin di responsabilisa su mes na parlamento y tabata deber di un parlamento cu ta sirbi pueblo manera debe ser, pa yama e minister aki en cuestion y exigi’e pa e por duna cuenta na Algemene Rekenkamer. Den di dos tanda di e reunion di Parlamento na momento cu esaki reanuda un biaha mas lo mi elabora riba esaki pasobra den e prome tanda mi no a haya e contesta desea riba e aspecto si a informa parlamento debidamente.


Wie zwijgt stemt toe
Por a tuma nota di e parlamentario independiente Daphne Lejuez den prensa su opinion di e investigacion di Algemene Rekenkamer yama “BO ARUBA”. Pero durante reunion unda cu a ser spera cu e lo vocifera su mes contra e practica di ex Minister Benny Sevinger el a opta pa pasa henter e reunion ta dialoga cu Richard Arends cu ta culpabel di e maneho desastroso financiero di pais Aruba y niun rato so a expresa su mes y e manera ameno di dialoga cu fraccion di AVP ta duna mas y mas e impresion cu a horta e asiento di MEP pa e por uni su mes na AVP. Y mas y mas ta resona den mi mente e mainta prome cu el a horta MEP su asiento e manera con Parlamentario ‘Independiente’ Daphne Lejuez a defende Benny Sevinger cu alma y cuerpo cu como parlamentario no por sanciona su persona di representa Aruba den exterior y e manera con a para pa tur maldad di Benny Sevinger dia pa dia pueblo ta comprende e set up di e parlamentario aki. Tristo pa wak con un persona cu mi mes a pensa di lo ta e banda di combati corupcion y abuso di placa di pueblo, awe ta para firma y ta defende interes di Benny Sevinger enbes di para fuerte pa caba cu e tipo di actonan aki.