Parlamentario Rocco Tjon: CITGO TAWATA UN DESASTER PA ARUBA Y SOLAMENTE BENIFICIOSO PA AVP25/2/2021 
0 Comments
 Parlamentario Endy Croes a repasa Jaarverslag 2020 di Ministerie van Algemene Zaken unda por a tuma nota di un documento hopi amplio y hopi elabora di mas di 60 pagina recapitulando entre otro un aña hopi dificil esta e aña di pandemia. Desde 5 di Februari 2021 e documento aki a drenta Parlamento oficialmente unda tur 21 miembronan di Parlamento tin esaki den nan poder. Nos ta haña hopi frapante cu net e expertonan di awa dushi di AVP manera Marlon Sneek, Robert Candelaria, Mervin Wyatt Ras, Jennifer Reyes pa nombra algun no a papia net net nada y te awe no a hasi ni un solo pregunta riba esaki. Parlamentario Endy Croes ta invita e Parlamentarionan di AVP cualkier momento cu nan pasa keiro banda di Parlamento pa nan revisa nan email y spotcheck nan Postbus pa asina nan repasa e jaarverslag 2020 di Ministerie van Algemene Zaken y por hasi kisas e Minister pregunta of por hasi nan preguntanan na Parlamentarionan di MEP pa mas splikacion si ta nesesario.
Gastonan a baha cu 82% y a save 2.7 miyon den 3 aña: Mike Eman tabata conosi pa derocha plaka di pueblo. Mike Eman a manda EMCO 3 biaha falliet y Mike Eman a manda ATV canal 15 falliet y asina Mike Eman a hera manda Aruba Falliet. Pueblo a manda Mike Eman cas net na tempo. Den e jaarverslag por tuma nota riba pagina 24 con Mike Eman su so den su bureau a gasta 1.222.500 florin esta 1.2 Miyon florin na Reis en verblijfskosten, voorlichting en promotie y lease di auto. Den e suma aki Mike a malgasta 1 miyon florin solamente pa propaganda su mes. Aki ta unda e rol di Speed cu Patrick Paskel ta drenta cologando manera carapata riba lomba di baca pa chica Aruba . Ora nos analisa y mira resultadonan desde 2018 bin ariba por tuma nota cu na 2018, e promer aña di gabinete Wever Croes, mesora a conose un rebaho di 70% den e 3 postnan aki esta un rebaho di Afl.1.222.500 - Afl.364.000 pues un rebaho di Afl. 858.000 florin. Ora analisa mas leew a mira comparando 2019 ( Evelyn Wever Croes) cu 2017( Mike Eman) e “savings” pa pais Aruba tabata Afl. 839.000 florin. Momento compara 2020 ( Evelyn Wever Croes) vs 2017(Mike Eman) atrobe por nota un “savings” di Afl.1.005.259 florin. Pues Evelyn Wever Croes su gastonan den e postnan di reis en verblijfskosten, voorlichting en promotie y lease di auto a baha cu 82% y a “save” pueblo di Aruba 2.7 miyon florin den 3 aña den comparacion cu gastonan den mesun postnan di Mike Eman na 2017. Lo ta bon pa Parlamentarionan di AVP y esnan cu pa equibocasion a duna AVP nan sosten ultimo elecion lesa e Jaarverslag aki pa por compara pa nan mes. No kere ami como Parlamentario ciegamente pero pidi nos copia y manda boso email nos lo percura pa e yega. Parlamentario Endy Croes na Ir.Richard Frank di WEB riba LNG, SCHOENMAKER BLIJF BIJ JE LEEST19/2/2021   Parlamentario Endy Croes a spika cu recientemente por a tuma nota di discucionnan alrespecto LNG gas tumando lugar. Enbes nos hiba e discusion den un rumbo positivo sirbiendo e Interes General (Algemene Belang) di pais Aruba representantenan di AVP entre otro Marlon Sneek a escohe pa hasi esaki un debate politico sin calcula of importa e consecuencianan of daño cu e por hasi alrededor di e proyecto. Parlamentario Croes kier accentua cu no ta awor Aruba ta studiando e posibilidad pa WEB switch over y bay core riba gas pero diferente expertonan desde 2010 a splika esaki den detayes kiko ta e beneficionan super positivo pa henter pueblo pa WEB bay over y core riba gas.
Diferencia mas grandi entre 2010 y awor ta e gobierno: Unico diferencia grandi cu tin entre 2010 cu awor ta e gobierno. Na 2010 Aruba tabata den gara di coruptonan di AVP kendenan tabata tin otro interes pa cu e proyecto di gas. AVP ta conosi cu su “hendenan” mester ta participe sea di links of di rechts den tur proyectonan grandi cual ta hasi proyectonan demaciado caro of kisas imposibel pa esnan cu kier inverti nan plaka. Pesey desde 2010 pa 2017 pues den 8 anja di AVP nan a papia y skirbi mas di 100 artikel den prensa cu centenares di potretnan riba proyecto di gas, AVP a biaha rond mundo, a papia cu Gas Unie di Hulanda a bishita Maduro na Venezuela pero enrealidad no a logra net net nada. MEP sinembargo desde april 2020 a logra kibra e contract desventahoso di 2000 pagina cu CITGO ja den luna di Mei 2020 a inicia cu un destaho publico. Final di juli 2020 a habri e popuestanan cu presencia di un Notaris , december 2020 a firma un LOI y Januari 2021 a firma un exclusivity agreemnent entre Eagle LNG y RDA. Pues ta mustra e seriedad di un proceso ora kier logra algo grandi pa Bo pais Aruba. Esaki ta e diferencia grandi den mentalidad entre Evelyn Wever Croes y Mike Eman. WEB a miss manage 650 miyon florin door di NO tuma desicion: WEB na su turno tambe ta co-culpabel pa e situacion. Mucho aña ta transcuri y ta keda malgasta plaka pa skirbi tur sorto di procedura pa destahonan cu nunka a finalisa of cristalisa. Companianan internacional ta “chupa” miyones for di WEB pa tur sorto di conseho alrespecto skirbi destahonan. Nos a logra hasi algun calculacion usando cifrasnan cu WEB mes ta publica riba nan website. Usando cifrasnan desde 2011 te cu awor si WEB a tuma decision e tempo aya na 2011 pa “switch” over pa gas WEB lo a “save” nos compania estatal cual gobierno ta 100% aandeelhouder un suma total di 360 miyon us dollar equivalente na 650 miyon florin. Pues si WEB a cumpra gas desde 2011 enbes cumpra HFO/Diesel e diferencia den plaka cu WEB lo a paga ta 650 miyon florin pa produci mesun capacidad di coriente/awa pa henter pueblo. Kiko ta e cabesura cu por tin den WEB anto? Kiko ta e cabesura cu por tabata tin den tempo di AVP anto? Parlamentario Endy Croes ta jama esaki un miss management total. Hamas un “pipita” di hende no por bringa BIENESTAR GENERAL tampoko un vision di un gobierno cu ta enbuska e mihor pa su pais. Banda di e suma di 650 miyon florin no por lubida cu WEB a miss manage tempo cu nan a Hedge totalmente robes unda WEB perde un otro 300 miyon florin pa cu e desicion aki tempo di Mike de Meza. Nos mester keda biba den realidad. Door di NO tuma desicionnan corecto y na tempo a costa 1 solo compania estatal casi 1000 miyon florin esta 1 biyon florin. Nada no ta pasa? Tur hende ta keda traha y cobra igual y hari cu otro? Ningun hende ta responsabel? Wel nos lo bay coba mas profundo den tur esakinan den dianan nos dilanti. Aruba ta den un transicion y spera cu no tin hende kier sigui tranca cualkier proceso paso sino nan mester saca nan conclusion.  Parlamentario Endy Croes a splika cu tin un grupo di x coordinadornan di AVP kendenan ta kere cu nan tin e libertad pa lansa calumnia manera cu nan ta haña ta bon contra ken cu nan kier. Nunka nan por substancia nan ponencianan cu prueba y nunka por para pa lokual nan ta bisa. Hopi di nan ta “plee” homber pero ora Bo topa nan cara cara nan ta bira homber cu ta bisti saya y ta bira tody tody. Asina por a tuma nota di chauffeur di x minister Dowers Hairo Loefstok kende desde elecion y despues di elecion kier lastra y ofende hende riba facebook. Nan ta sintinan duro ora nan ta den gang. Despues di elecion el e lubida cu e no ta cana yen di “homber”mas rond di dije pero e ta un cuidadano normal mescos cu tur hende cu ta cana su so. Insultonan y ofensanan a keda core solamente via Facebook comokiera aparentemente tras di Facebook nan ta hombernan balente y fuerte. Hilario “Hairo” Dario Loefstok Paradera 71 A, 27 October 1974: Hairo Loefstok chauffeur di Dowers ta uno di nan cu ta lansa insultonan infunda y calumnianan riba Facebook y ta gosa cu un grupo limita di x coordinadornan di AVP aparentemente masha hopi. Tanto Endy Croes y Rocco Tjon a wordo lastra y insulta pa Hairo Loefstok como “pedofiel” primordialmente e siman di e manifestacion 3 di Juli 2020. Hairo Loepstok a lubida cu e pais aki tin ley y tambe Hairo Loefstok lo a lubida tur esnan cu ta apoye riba Facebook momento di bay dilanti mesa berde ningun lo compañe. Endy Croes y Rocco Tjon sin a hasi ningun drama a usa forsa di ley y a entrega keho por escrito e mesun siman di Juli contra Hairo Loefstok chauffeur di Dowers y diferente otro persona mas. Kehonan a wordo entrega basa riba Wetboek van Strafrecht artikel 2:223 y 2:224 y a cana nan caminda y finalmente a wordo trata 3 di Februari 2021 den un Tomzitting. Dia 3 Februari Hairo a bira galiña galiña na Ministerio Publico: Dia 3 di Februari ultimo Ministerio Publico a trata e caso den un asina jama Tomzitting. Hairo Loefstok a presenta y mas bien no por a para net net nada pa su palabranan y insultonan. Mas tristo ta di mira chauffeur di Dowers bira galiña galiña casi yora dilanti Ministerio Publico durante tratamento di e caso ilustrando asina e calidad di chauffeur( guarda espalda) cu Dowers tabata tin ta traha pe. Finalmente Hairo jorando a pidi mil disculpa. Ministerio Publico a condena Hairo Loefstok na Afl.250 florin di boet mas 20 ora di trabou pa comunidad cu un tempo di prueba di 2 aña. E caso ta conosi bou Parketnummer P-2020/09214 y a sina a sera un capitulo di diferente casonan andando contra personanan di AVP cu ta kere cu nan por insulta y calumnia contra tur hende scondiendo tras di un account di Facebook. Endy Croes na Hairo Loefstok “be a man and not a mouse”.   Parlamentario Endy Croes a tuma nota cu Mike Eman a restart su draaiboek y mei mei den Pandemia kier hasi politica barata te hasta stofia algun sindicato pa reuni siman pasa hungando salbador di e pueblo aki. Sindicatonan cu ta permiti nan mes wordo usa no mester lubida si mucho liher con Mike Eman a desgracia finansas di pais Aruba creando e Mega Debe. Lesa rapportnan di Banco Central y rapport Bo Aruba di Algemene Rekenkamer ta splika tur cos. Mientras ta mesun Mike Eman a campaña cu e lo “elimina BBO” y nunka a cumpli. Mike Eman ta e mesun cu a aumenta edad di pensioen na 65. Mike Eman a redobla debe nacional di Aruba di 43%(2009) pa 93% (2017). Mike Eman a redobla interes riba plaka presta unda Aruba a paga 232 miyon solamente na interes durante aña 2019. Asina tin un avalancha di pruebanan con Mike Eman a endueda e pais aki. Mike Eman a destrui Aruba mescos el a hasi cu EMCO y ATV: Ta un secreto publico cu Mike Eman nunka por a maneha un negoshi. Mesun practika cu Mike Eman a usa pa maneha negoshi asina el a maneha pais Aruba. Resultadonan tur ta igual. Mike Eman a presta 2 miyon florin na Interbank cu 0% di interes pa nan negoshi EMCO cual a bati bancarota na 3 ocasion. Nunka pero nunka mas Mike Eman ( EMCO) no a paga ni un solo pago riba e prestamo aki te cu hasta Interbank a bati bancarota y a bende Interbank pa prijs di baca flaco cu FCCA pa asina libranan mes di e debe. Djaca ta keda kens. Mesun practika aki Mike Eman a hasi cu ATV y te cu awe por ehempel debe masha hopi plaka na huur di e edificio unda ATV tabata situa. Tanto EMCO y ATV a bati bancarota na man di Mike Eman. Mesun systema Mike Eman a maneha y destrui Aruba momento cu pueblo na dos ocasion a kere den Mike y a brinde e oportunidad. Resultado? Igual na EMCO y ATV pues Mike Eman a manda Aruba tambe bancarota. Track Record aki di Mike Eman ta demosrta cu papia bunita y cana brasa y baba hende no nesesariamente ta hasi Bo un bon dirigente. Mike Eman den business a fracasa y como x Minister Presidente di pais Aruba tambe tabata un fracaso total. Prohibi pa lubida!   Parlamentario Endy Croes a tuma nota di atakenan di politiconan y simpatisantenan di AVP ultimo dianan tratando na buska ventaha door di e situacion ocasiona pa un Pandemia y asina purba laga pueblo lubida e desaster cu AVP a laga atras. Awe nos lo no bay riba e Mega Debe y e Desaster financiero pero lo enfoka riba e casonan di corupcion, fraude y ladronicia di x ministrnan di AVP entre otro Benny Sevinger.
E parha Avestruz no a cay di shelo: Ministerio Publico mes a haña asina un berguensa pa pais Aruba como cu nan mes no por a kere cu ministernan di AVP tabata capaz pa “mafia” terenonan di pais Aruba den tal grado y den tal forma. Momento cu Ministerio Publico tabata valida e keho acompaña pa cantidad di pruebanan te hasta cuentanan di banco unda plakanan a move na miyones nan mes a keda babuca. Pior ainda ora a cuminsa cu e investigacion por a comproba cu esaki ta bira e caso di corupcion di mas grandi den historia di Aruba. Ta pa diferente rasonnan aki Ministerio Publico a escohe e nomber pa e caso aki reflehando un parha cu ta hinka su cabez bou tera pues Avestruz. Benny Sevinger of awe mihor conosi como Benny Avestruz ta e autor y sospechoso principal den caso Avestruz. Pues e parha Avestruz aki no a cay di shelo pero ta e refleho real riba e caso. Benny Sevinger acusa pa 5 cargo criminal: Interno den partido AVP tin masha hopi tension. Hopi tin di haber cu condena di x minister di AVP Paul Croes cual caso durante 2021 lo wordo trata den Hoge Beroep y lo ta den publicidad atrobe pero alaves cu e “timing” y posibel detencion di Benny Sevinger, un otro x minister di AVP, cual lo por cay na cualkier momento. Un grupo den AVP kier riska pone Benny toch riba lista mientras un grupo ta bringando cu Top di e partido pa saca Benny for di AVP. Tur esaki ta hasiendo e situacion ta complicando pa AVP kende porcierto tin dificultad pa haña candidato. Muchanan hoben no kier meskla nan carera cu “mafiosonan” di un partido acusa di asina tanto corupcion. Ta solamente algun sinberguensa of hobennan cu caracter criminal lo por profila den 2021 riba lista di AVP segun analistanan. Pesey nos ta keda asombra cu un polis/ pastor manera Candelaria ta bringa asina tanto pa AVP. Soort zoek soort? Finalmente Benny Avestruz Sevinger como sospechoso principal tin 5 acusacion di crimen hopi pisa contra su persona. Benny ta wordo acusa pa Falsificasion, Soborno, Mal uso di poder,Estafa y Labamento di plaka. No ta Benny so pero e caso aki tin un rabo hopi largo. Ta papia di mas di 25 miyon florin na tereno cu cuentanan di banco cu ta core di Aruba, Curacao, St Maarten, Miami, Panama, Colombia y te hasta Swisa. No lo falta mucho tempo mas pa e “Busje” di AVP pasa piki su propio hendenan. Parlamentario Endy Croes: Den tempo hopi dificil, NO POR “JUST” LUBIDA E DESASTER DI MIKE EMAN Y AVP6/2/2021  Parlamentario Endy Croes a tuma nota cu AVP poko poko kier crea disturbio na Aruba, mei mei den un pandemia, cu nan agenda politico mara na un draaiboek. No ta desconosi cu AVP semper a usa e strategia aki durante aña di elecion. Notable ta e partido AVP hunto cu su Lider Mike Eman kende a destrui e pais aki financieramente awe kier hunga pa salvador. Nos lo recorda pueblo poko di e desaster. Mike Eman a redobla debe den añanan di bonansa: Mike Eman sinonimo di MEGA DEBE ta esun cu bou su liderazgo a redobla debe di pais Aruba. Den 23 aña si Status Aparte desde 1986 te aña 2009 momento cu MEP a bandona gobernacion Aruba su debe nacional tabata 43%. Esaki tabata manehabel y alaves ta cumpli cu standardnan internaciopnal manera di IMF. IMF den su programa tin un Depth Acnhor pa Caribe na 55%. Pues Aruba tabata way below e Depth Anchor aki. Desde cu Mike Eman a drenta gobernacion na October 2009 tabata manera fin di mundo tabata yegando. Mike Eman a presta 2200 miyon pa sera deficit di 8 presupuesto durante su reinado. Mike Eman alaves a endeuda Aruba cu 1600 miyon adicional pa entre otro proyectonan PPP. Cifranan extracta for di rapportnan di Banco Central y rapport Bo Aruba di Algemene Rekenkamer. Pues Mike Eman y AVP a endueda Aruba cu 3500 miyon esta 3.5 Miljard total. Mike Eman a mas cu redobla e debe y momento cu AVP a baha e debe nacional a alkansa 93%. Tur esaki sin Pandemia y den añanan di bonansa. Hopi tristo. Mike Eman a redobla interes di pais Aruba na un manera cruel: Consecuentemente e Desaster Financiero ocasiona pa Mike Eman a coy un rumbo completamente robes. Mike Eman a percura pa redobla Interes cu pais Aruba ta paga riba plaka presta. Durante aña 2019 e gobierno aki a paga 232 MIYON florin solamente na Interes riba plakanan cu Mike Eman y AVP a presta. Esaki ta igual cu 635 mil florin pa cada dia 365 dia pa aña. Esaki ta parti di Desaster Financiero, “ missmanagement” cu Mike Eman a laga atras. Cuanto school nos por a traha cu e plaka aki? Cuanto canchanan deportivo por a drecha cu e plaka aki? Cuanto careteranan den bario por a wordo renoba cu e plaka aki? Cuanto inversion nos por a hasi den cuido y salud mental cu e plaka aki? Prison y Parkietenbos por a wordo drecha cu e plaka aki. Lamentablemente Mike Eman y AVP tabata tin un otro vision. Mike Eman a manda diferente compania propio Bancarota: Sinembargo e “Track Record” di Mike Eman pa cu maneho di negoshi tabata conosi. Aruba no por a spera otro momento a confie cu patrimonio y finansas di pais Aruba. Mike Eman a manda EMCO no un ni dos pero na 3 ocasion falliet. Henny Eman y Mike Eman unico personanan cu a logra presta 2 miyon na Interbank contra 0% interest y gasta e plaka manda EMCO fallieet y nunka mas a paga. Mike Eman a manda ATV tambe fallieet. Pues ta den nan sanger e cos aki ta. Momento cu Mike a yega den gobierno na 2009 su actitud no a cambia y na mesun manera a desgracia finansas di pais Aruba. Resultado ta conosi. Te hasta Mike a bay den welga di hamber bay jora bou un palo enbes di subi avion bay Hulanda manera un macho bay negosha momento Hulanda a tik hem op de vinger. Mike a rabia jama Hulandesnan pa verkrachters. Terminando pueblo mester puntra su mes. Esaki ta un Lider cu pueblo lo kier mira bek? Historia ta skirbi y Mike no ta sirbi!  |
- Home
- Eleccion 2017
- Noticia
-
Historia
- Kalender 50 aña MEP
- Fundacion di MEP
- Logronan >
- Himno y Logo
- Lista MEP 1971-2013
- Inicio di Status Aparte
- Structura Estatal
- Himno y Bandera
- Ortografia
- Referendum
- Augustus Scur
- Hulanda ta habri porta
- Mesa Rondo
- N.O. Oduber:Coordinador di Status Aparte
- Betico Croes ta logra
- Refineria
- Autodeterminacion
- Bestuurscollege
- Publicacion
- Contact Nos
- Registra
- Home
- Eleccion 2017
- Noticia
-
Historia
- Kalender 50 aña MEP
- Fundacion di MEP
- Logronan >
- Himno y Logo
- Lista MEP 1971-2013
- Inicio di Status Aparte
- Structura Estatal
- Himno y Bandera
- Ortografia
- Referendum
- Augustus Scur
- Hulanda ta habri porta
- Mesa Rondo
- N.O. Oduber:Coordinador di Status Aparte
- Betico Croes ta logra
- Refineria
- Autodeterminacion
- Bestuurscollege
- Publicacion
- Contact Nos
- Registra
