Parlamentario Endy Croes: Mike Eman un gañador pathologico, Robert Candelaria di AVP un Pastor cu ta Blasfemia

Parlamentario Endy Croes a tuma nota cu ta aña di elecion y Lidernan di AVP a cuminsa nan campaña cu blasfemia. Tanto Mike Eman y AVP a desgracia finansas di Aruba creando un Mega Debe redoblando e debe di pais consecuentemente a redobla interes riba plakanan presta den apenas 8 aña. Tristo di tur esaki ta hustamente cu esaki a tuma lugar durante añanan di bonansa di pais Aruba.  Awor mei mei den un dolor di e Pandemia mundial Mike Eman ta blasfemia cu “ Aruba a dicidi di corta 60 miyon den cuido medico”. Que mentiroso patalogico Mike Eman ta. Den e pandemia  e kier buska caminda pa gara y pa gana simpatia. Si Mike lesa conseho di CAFT di 6 di mei 2020 ta para duidelijk cu CAFT a conseha gobierno Hulandes pa corta 5 miyon pero NO pa luna. Si Mike Eman lesa desicion di Rijksministerraad di 15 di mei 2020 por tuma nota cu akinan gobierno Hulandes na un manera  “hypocrita” unliateral a agrega tras di conseho di CAFT di 5 miljoen e palabra  “per maand”. Sin ningun onderbouwing. Pesey Parlamentario Croes ta bisa nos ta keda traha cu Hulanda y ta aprecia tur ayudo pero mester ta skerpi cu nan falsedad paso esaki ta conosi di nan. Aruba a haña esaki pusha den su stoma como condicion. Sino fono! Si no bay di acuerdo lo NO a presta Aruba 49.5 miyon na Loonsubsidie pa paga salarisnan di luna di juni na 21000 empleado mas 63.9 miyon pa liquiditeitssteun pa luna di mei 2020.  Si Mike Eman lesa conseho di CAFT recien di 18 di Januari 2021 (CFT 202100002) alrespecto “eerste halfjaarrapportage 2020”,  por lesa parti di recapitulacion di 2020 unda esaki ta bolbe wordo splika. CAFT a conseha y a pidi un besparing di 5 miyon pero NO pa luna. Rijksministerraad y Militair  Knops a cambia esaki na un manera incomprendible y masha masha  cruel. 

Robert Candelaria un pastor cu ta BLASFEMIA:
Robert Candelaria kende ta un polis y alaves un pastor tambe a sigui e rumbo di Mike Eman esta papia mentira un dia despues cu Mike Eman a blasfemia dilanti Hospital. Directuer di Hospital Vroegop tambe ta culbabel y ta cooperando cu e politieke onrust riba Aruba pero despues nos lo bin pa esaki. Bou ki titulo Mike Eman ta bishita Hospital mei mei den Pandemia?  Nos kier pidi Lider di HTC tambe pidi un afspraak cu Vroegop y bay cana den Hospital awor. Nos ta bolbe reta Rober Candelaria pa di dos biaha pa e bin dilanti y splika prensa y pueblo si di berdad el a lesa e rapport di PWC di AZV. Den Bondia Aruba di 22 di Januari riba pagina A19 Rober a skirbi lo siguiente:” Den e rapport ey ta papia di reducion di gasto di 5 miyon pa luna, pues ta aki mes na Aruba a inicia e proceso pa corta den gasto di AZV”. E rapport di PWC kende a hasi e doorlichting bou opdracht di AZV y no bou opdracht di gobierno manera Candelaria a gaña tambe, ta consisti di 44 pagina. Parlamentario Endy Croes a splika di a lesa e rapport aki pagina pa pagina porcierto un rapport hopi detaya pero ningun y di berdad ningun caminda a menciona pa corta 5 miyon pa luna. A duna indicasion riba eigenbijdrage y reducion den uso di medicina. Con por ta posibel cu un pastor manera Robert Candelaria por blasfemia y gaña den su artikel den Bondia Aruba cu den e rapport ey ta para cu mester corta gasto cu 5 miyon pa luna? Con por ta posibel cu Candelaria ta acusa gobierno cu ta aki na Aruba e storia aki a cuminsa y ta verwijs na e rapport aki? Hopi pero hopi tristo pa mira un pastor baha asina di nivel anto cu mentira. Asina Mike Eman a gaña pueblo cu e ta “elimina BBO”. Pues e school di corupcion y e school di blasfemia di AVP endoctrina pa e vocabulario di mentira mester wordo corta mesora pa e elecion nos dilanti Parlamentario Endy Croes a termina bisando. ​