Jaime Winterdal 

 

Mi ta un Nortero di curason y orguyoso di ta Arubiano. Mi a lanta den e bario di Turibana (panort di cero). Mi ta e yiu mayo di 4 ruman. Mi a bay Sint Aloysius basisschool y ora mi a caba 6de klas, mi a bay J.F. Kennedy School LTS, cu awendia ta EPB, pasobra mi tabata kier a bira un carpinte. Ora mi a gradua mi a dicidi cu mi kier sigui studia y mi a bay MTS cu awendia ta yama EPI Unit Ciencia y Tecnologia. Na MTS mi a gradua como e best geslaagde y aki ta unda mi mester a sinta combersa cu mi mayornan pa wak si nan lo apoya mi pa sigui mi estudio universitario na Costa Rica. Mi a bay studia Ingenieria en Construccion na Instituto Tecnologico de Costa Rica. 

​

Na Costa Rica mi a conoce e amor di mi bida y nos a casa 25 aña pasa. Nos tin dos yiu, un mucha muhe di 22 aña cu ta studiando na Universidad di Aruba y un mucha homber di 14 aña cu ta den 3de HAVO. Mi ta gradici mi mama y omonan cu a lanta mi cu norma y balornan hopi estricto, cu respet pa tur hende, balora loke bo tin y siña mi di tin FE den Nos Creador Todopoderoso. 

​

Durante mi estudio na Costa Rica mi tabata den bestuur di Fundacion Cas Aruba unda nos tabata yuda e studiantenan nobo y stagiaires cu tabata yega Costa Rica pa haci nan pasantia. Mi a keda cu e gana di sigui yuda y p’esey semper mi a bisa cu mi estudio di ingenieria mi mester por uze pa yuda mas hopi hende cu ta posibel y esey mi a haci ora cu mi a bolbe bek Aruba despues di a gradua. 

​

Awor mi ta dilanti di un otro reto grandi den mi bida unda lo mi kier sirbi mi pueblo di Noord y e pueblo di Aruba completo den e area di infrastructura cu ta mi area di experticio. 

​

Pakico MEP: Pasobra mi a tuma nota cu MEP berdad ta un partido cu ta pone hende central y cu ta traha incansablemente pa e bienestar di nos país y MEP tin balornan cu ta klop hopi cu mi manera di pensa y mi manera di wak bida. 

​

Ami semper a admira un Lider cu di berdad ta e capitan cu a nabega den lama hopi bruto sin perde e stre’i-nort. Nos Minister Presidente Evelyn Wever-Croes a demostra cu no solamente e por lidera un partido, sino un País completo. Minister Presidente hunto cu su team a mustra mi cu nan ta capas di hopi mas. 

Pakico vota Jaime 

​

Vota pa Jaime no ta nifica solamente un voto riba sinceridad, transparencia y humildad sino tambe, un voto basa riba mi añanan di experiencia trahando presupuesto, planifica, cu mente riba solucion duradero. 

​

Un voto pa Jaime sigur lo ta un voto basa riba experticio den construccion sostenible, renovacion y mantenimento. Un voto pa Jaime ta un voto basa riba EFICENCIA y eficacia pa optimalisa tur recurso humano, material y economico pa logra un producto final di calidad halto. 

​

P’esey mes, mi compatriotanan, ban prepara pa nos por hiba un campaña politico unda nos ta respeta otro y asina nos por mustra mundo cu nos ta un pais chikito pero