Setty ta naci dia 21 di December 1971 y a biba gran mayoria di su bida den e pueblo di Santa Cruz ademas di a biba pafo di Aruba pa studio. Setty su mayornan ambos ta di Aruba di cual su mama ta di famia Werleman ta di Cas Ariba y su tata ta di famia Yarzagaray di Paradera. Setty ta casa cu Patrick Christiaans ya pa casi 19 aña y ta biba keto bay den e pueblo di Santa Cruz.
ESTUDIO
Setty a obtene mi Master’s Degree den Hoteleria y Turismo na aña 1996 na Florida International University na Merca. Su prome un aña y mei di trabou tawata na Oficina di Turismo (ATA) na Miami mientras e tawata studiando pa su Master’s Degree.
TRABOU
Depues di a gradua el a bin Aruba bek pa contribui cu su conocemento na Aruba mes y a traha desde 1996 te cu 2017 na Oficina Central di Estadistica (CBS Aruba) di cual casi 12 aña a fungi como director interino di CBS. Setty a fungi alabes pa 7 aña como miembro di hunta di directiva di Fundacion Cas pa Comunidad Arubano (FCCA). Desde mei e aña aki Setty ta trahando na Departamento di Asuntonan Economico y Comercio den e parti di maneho y conseho.
Semper Setty a gusta e mundo di cifra y CBS a brind’e e oportunidad pa educa su mes mas ainda na unda awor por uza informacion pa midi, stipula maneho y yuda duna direccion.
TRABOU VOLUNTARIO
Desde su 19 aña Setty a traha voluntario pa organisacion Pro Famia Feliz cu Enceuntro di Hobennan (EHH) y a dedica hopi aña di su bida na bida familiar, hoben, pareha den noviazgo y parehanan casa. Te ainda, hunto cu su casa Patrick, nan ta forma parti di e directiva di e fundacion aki.
RELIGION
Setty a dedica mas cu 26 aña di su bida na canta den diferente coronan di misa den diferente parokia di Aruba pero mas tanto na Santa Cruz, fortaleciendo asina su creencia religioso y dedicanto su canto y don na otronan.
CULTURA
Como aprecio y deseo di aporta na cultura di Aruba, Setty a canta den coro y a participa na diferente ocacion cu diferente grupo (mayoria parti cu Timpico Macuarima) na festivalnan di canto dedica na Aruba, su Himno, su Bandera y tambe Dera Gay. Tambe a participa na festival di Dande den tempo di fin di aña na unda a logra e titulo di Reina di Dande na 2014.
TEMPO LIBER
Di chikito Setty a gusta deporte y a yega di hunga basketball pa Connie Francis y te ainda ta purba haci deporte recreativo manera cana y core bais den tempo liber na banda di purba goza mas posibel di su isla, su naturalesa y su lama.
META POLITICO
Su motivacion principla pa drenta politica ta pa sigui yuda y aporta na desroyo di su isla Aruba pero awor na un nivel mas halto. Setty ta convenci cu su preparacion, conocemento, experiencia di trabou y experticio cu el a adkiri durante añanan y cu uzo di datonan, Setty lo por yuda duna direccion pa miho bienestar, desaroyo duradero y progreso di Aruba.
ESTUDIO
Setty a obtene mi Master’s Degree den Hoteleria y Turismo na aña 1996 na Florida International University na Merca. Su prome un aña y mei di trabou tawata na Oficina di Turismo (ATA) na Miami mientras e tawata studiando pa su Master’s Degree.
TRABOU
Depues di a gradua el a bin Aruba bek pa contribui cu su conocemento na Aruba mes y a traha desde 1996 te cu 2017 na Oficina Central di Estadistica (CBS Aruba) di cual casi 12 aña a fungi como director interino di CBS. Setty a fungi alabes pa 7 aña como miembro di hunta di directiva di Fundacion Cas pa Comunidad Arubano (FCCA). Desde mei e aña aki Setty ta trahando na Departamento di Asuntonan Economico y Comercio den e parti di maneho y conseho.
Semper Setty a gusta e mundo di cifra y CBS a brind’e e oportunidad pa educa su mes mas ainda na unda awor por uza informacion pa midi, stipula maneho y yuda duna direccion.
TRABOU VOLUNTARIO
Desde su 19 aña Setty a traha voluntario pa organisacion Pro Famia Feliz cu Enceuntro di Hobennan (EHH) y a dedica hopi aña di su bida na bida familiar, hoben, pareha den noviazgo y parehanan casa. Te ainda, hunto cu su casa Patrick, nan ta forma parti di e directiva di e fundacion aki.
RELIGION
Setty a dedica mas cu 26 aña di su bida na canta den diferente coronan di misa den diferente parokia di Aruba pero mas tanto na Santa Cruz, fortaleciendo asina su creencia religioso y dedicanto su canto y don na otronan.
CULTURA
Como aprecio y deseo di aporta na cultura di Aruba, Setty a canta den coro y a participa na diferente ocacion cu diferente grupo (mayoria parti cu Timpico Macuarima) na festivalnan di canto dedica na Aruba, su Himno, su Bandera y tambe Dera Gay. Tambe a participa na festival di Dande den tempo di fin di aña na unda a logra e titulo di Reina di Dande na 2014.
TEMPO LIBER
Di chikito Setty a gusta deporte y a yega di hunga basketball pa Connie Francis y te ainda ta purba haci deporte recreativo manera cana y core bais den tempo liber na banda di purba goza mas posibel di su isla, su naturalesa y su lama.
META POLITICO
Su motivacion principla pa drenta politica ta pa sigui yuda y aporta na desroyo di su isla Aruba pero awor na un nivel mas halto. Setty ta convenci cu su preparacion, conocemento, experiencia di trabou y experticio cu el a adkiri durante añanan y cu uzo di datonan, Setty lo por yuda duna direccion pa miho bienestar, desaroyo duradero y progreso di Aruba.