18 di maart 2020:DIA NACIONAL DI ORACION

Mundo ta pasando den un crisis cu ta escalando y mas y mas hende ta drentando den panico. Scolnan a wordo cera, oficinanan a wordo cera, paisnan grandi a dicidi di introduci ‘Lockdown’ y “Shutdown’ creando mas paninco, preocupacionnan y retonan economico. Mescos cu cada pais ta buscando solucionnan pa nan mes, den tempo di crisis, cada pais mester busca trankilidad pa nan pueblo.


Ora cu nos ta enfrenta miedo di loke ta desconoci pa nos, ta bon pa nos tur para keto un rato y bay na nos creador pa pidi pa trankilidad cu tanto nos tin mester den e momentonan aki.


Gobierno di Aruba ta declara dia 18 di maart 2020 como Dia Nacional di Oracion riba nos Dia Nacional di Himno y Bandera. Tur lider spiritual y Aruba completo ta invita pa forma parti di Aruba su Dia Nacional Di Oracion pa 6'or di atardi (En adelante). Laga nos uni y resa for di nos casnan pa salud di nos pueblo y pa proteccion di esnan mas vulnerabel pa Corona Virus. Laga nos resa pa pronto tin trankilidad bek na nos Isla y na mundo henter.


Ta pidi tambe, pa riba nos Dia di Himno y Bandera, pa pueblo lanta y hisa su bandera y mustra e hermandad y union di un pueblo den tempo di adversidad.