 Den Rijksministeraad di 22 di november 2019, a dicidi cu lo wanta e aanwijzing pa Aruba. Aruba a splica cu den e presupuesto di 2020 a tene cuenta cu gasto di personal y e entradanan di nos pais. Asina Aruba ta haya tempo y espacio pa finalisa e proceso di e Presupuesto 2020 y ora e Presupuesto 2020 wordo aproba pa Parlamento conforme palabracionnan, e aanwijzing lo no wordo duna. Minister Knops a declara cu pa Hulanda y Aruba Finansa duradero ta hopi importante y cu Aruba a indica cu lo procesa e conseho di CAFT den e presupuesto. Esey ta duna e mandatario confiansa pa no duna un aanwijzing awor. Premier Evelyn Wever-Croes a splica cu reunionan a bay bon. Premier Wever-Croes: "Cu Aruba no a haya un aanwijzing awe ta duna Aruba espacio pa caba e procedura di presupuesto 2020. Aruba a haci pasonan grandi, nos no a logra ainda pero nos ta riba e bon caminda". 
0 Comments
Leave a Reply. |
Archivo
October 2020
|
RSS Feed