August 27th, 2017

Den fin di siman por a nota hopi movecion di partido MEP den varios bario entre otro den Noord. E pueblo di Noord ta expresa di kier mira un cambio. Tin un decepcion grandi den partido AVP.
No solamente pasobra nan a goberna e pais aki malo, pero tambe pasobra nan ta realisa cu Mike Eman por a yuda Paul Croes, pero a prefera di laga Paul Croes hinca su mes mas den problema te cu awor e ta deteni.
Locual varios habitante di Noord ta expresa na nos tambe ta cu nan no ta aprecia e forma intimidante cu AVP ta campaña. Nan no ta interesa den papia cu e habitante, nan ta yega na grito y desordo pega bandera y si e doño di cas kier baha e bandera bek, nan ta menase y papia malo cune.
Tin un descontento grandi den Noord pa loke ta trata e partido AVP y ta importante pa señala esaki.
MEP ta sigui cu su campaña positivo y constructivo y treciendo e solucionnan realistico pa e dolornan den comunidad.
Pa haci Aruba mas sigur atrobe, pa baha costo di bida, pa miho cuido di salud, pa miho calidad di enseñansa y pa un Gobierno di hendenan integro, hendenan cu ta bisa loke nan ta bac hasi y nan ta haci loke nan a bisa, un gobierno cu bo por ta orguyoso di dje un biaha mas.