Bida di un mucha no ta un ‘rekensom’

Colegio di Derechonan Humano di Hulanda a ricibi e delegacion di Aruba encabesa pa Minister Glenbert Croes.


Un colegio hopi bon na altura di loke ta pasa n’e otro partinan di Reino como tambe di e problemanan cu ta reina.


E motibo pakico e mandatario a scoge pa reuni cu e Colegio di Derechonan Humano ta pa motibo cu ta e minister su opinion cu ayudo y desaroyo social ta parti di e derecho di e ser humano. Hendenan cu pa cual sea e motibo ta pasando den momento dificil den nan bida, tin e derecho di haya apoyo y asistencia cu e meta di yudanan para bek riba nan pia. Ta hustamente e sector aki den nos comunidad cu Minister kier empodera. Y pa un Pais cu ta den pleno desaroyo, e mester por hiba hunto cu ne e bienestar general y social di henter su pueblo.


Un bon reunion, unda cu Minister Glenbert Croes y e delegacion a presenta y entrega e mesun raportahe cu e mandatario a bin ta entregando tur caminda incluyendo na Parlamento y Gobierno di Aruba.