Cada candidato di MEP ta un lider riba su mes!

Bienestar di Aruba ta nos prioridad!
 
Pa Partido MEP cada candidato riba nos lista ta un lider berdadero. Cu hopi entusiasmo MEP ta sigui expande su ekipo cu lidernan nobo pa e lista victorioso pa eleccion 2017 dia 22 di september. Ya caba 6 candidato nobo a wordo lansa cu lo enfoca riba e mehoracion di nos pais den diferente areanan.
 
ARTHUR VALLEJO:
TERENO DI ENFOKE: SALUD
Hoben profesional cirugano di cachete cu su propio consultorio.
 Pa mehora e cuido medico na Aruba, Dr. Vallejo lo enfoca mas riba e cuido preventivo.
Cu cuido preventivo bo por scapa hopi placa cu awor ta wordo aloca pa hendenan cu ya ta sufri di un enfermedad cronico. Si nos haci mas “pre-screening” of aplica e sistema preventivo mas biaha, nos ta evita hopi mas enfermedad y dolor.
E mediconan gradua den nos region ta forma un parti importante den e vision di Arthur. Aruba mester di nan pa yuda nos mehora nos cuido di salud. Cu e cambio di e sistema di curativo pa preventivo, y cu nos yiunan di tera gradua den e region nos lo por alivia e sobre carga cu tin den medicina awor.
 
KAREL JEANDOR:
TERENO DI ENFOKE: PENSIONADO
A sirbi pueblo den Cuerpo Policial pa 36 aña como Hoofdinspecteur di Polis.
 
 Karel a dicidi pa sirbi su pais y uni su mes na e lista di MEP como candidato pa duna su aporte pa haci Aruba mas sigur, y especialmente pa lucha pa nos pensionadonan haya un miho trato. Karel lo enfoca riba bienestar di pensionadonan en general, y especialmente cuido medico y e aspectonan financiero di belasting y prima di AZV.
 
RODERICH LOPEZ:
TERENO DI ENFOKE: HUBENTUD
Un hoben entrepreneur, cu tin su propio negoshi.
 Roderich ta dedica hopi tempo na nos hobennan y muchanan. E ta lidera un Brassband. Su trabou cu nos hobennan y muchanan den comunidad ta locual a inspir’e pa tuma e paso aki den politica y bira candidato riba lista di MEP. Bienestar di cada hoben y mucha ta e vision primordial di Roderich. Pa brinda nan e miho futuro cu e pais por ofrece.

SHARLENE STARKE:
 TERENO DI ENFOKE: ENSEÑANSA
12 aña ta dedica na educa nos muchanan di scol basico.
 Vision di Sharlene ta pa establece un sistema di educacion moderno y innovativo den nos enseñansa y crea un “home away from home”. Maestronan ta pasa un gran parti di nan bida cu nos yiunan y lo tin hopi balor si nos sistema di educacion sinti manera un hogar pa nos muchanan y docentenan.
Sharlene a subi riba lista di MEP pa contribui na e cambio. Pa haci e cambio aki realidad, ta importante pa leynan wordo cambia, revisa y ahusta. Tambe mester bin un restructuracion den tanto edificionan como den maneho y asina brinda un miho calidad di bida pa cada mucha aki na Aruba.
 
DARLAINE GUEDEZ-ERASMUS: 
TERENO DI ENFOKE: FAMIA
Trahado Social den e area di combatimento di adiccion
 
 Darlaine tin 5 aña di experencia trahando den un fundacion na unda e ta deal cu hopi problema di famia y hobennan den adiccion. E ta considera su trabou no solamente su trabou sino su pasion. Su vision ta pa enfoca primordialmente den e famia y hubentud.
E situacionnan alarmante cu Darlaine ta experencia diaramente door di problemanan den cas y e famia, a motiva Darlaine pa tuma e decision pa drenta politica y postula riba lista di Movimiento Electoral di Pueblo pa di e manera aki yuda na e miho forma cu e por.
 
DAPHNE LEJUEZ:
TERENO DI ENFOKE: ECONOMIA
20 aña doño di un compania di mercadeo exitoso y ex Presidente di Camara di Comercio.
Daphne ta uni su mes na e fila di MEP pa contribui cu su conocemento y experiencia na un vision innovativo pa e desaroyo economico di nos pais. Su deseo ta pa Aruba conoce un economia productivo cu ta den balansa di e bienester general di nos tur y lo logra esaki a base di innovacion, educacion y un maneho profecional objetivo. Su vision ta pa desaroya Aruba su potencial economico creando un fundeshi solido pa un economia sostenibel pa awe y mañan. Plan di desaroyo socio economico pa esnan mas vulnerabel den nos comunidad y desaroyo y modernisacion di educacion y infrastructura tecnologico. 
 
 Cu e candidatonan aki MEP ta ofrese un lista cu e liderasgo nobo cu Aruba merece. Hunto nos lo bay pa e cambio cu Aruba ta pidi pe. 22 di september, deposita bo confiansa den Partido MEP y permiti e ekipo aki traha na bienestar di e comunidad.