CRISIS TEAM Y E VELD DI ENSEÑANSA E SIMAN AKI TA REUNI PA TUMA DECISION RIBA E AÑA ESCOLAR NOBO

Crisis Team hunto cu e veld di enseñansa, e siman aki ta reuni pa tuma desicionnan riba e aña escolar nobo dilanti porta. E veld di enseñansa ta sigui e desaroyonan nobo di Covid-19 y hunto cu Crisis Team ta bay plania si scol ta habri e siman proximo y con scolnan lo habri si esaki ta e caso.

Ya prome cu vakantie, Crisis Team y e veld di Enseñansa a traha riba algun plan di contingencia cuanan ta riba mesa pa deliberacion e siman aki. Lo scoge cua ta e miho plan na bienestar di alumnonan y docentenan. Prome Minister Evelyn Wever-Croes ta pidi comunidad pa tene pasenshi mientras cu reunionnan ta andando y desicionnan tin di wordo tuma pronto.
​
“Nos ta den temponan cu hopi reto, incluyendo enseñansa den e tempo difisil aki. Nos ta keda en espera di desicionnan di e prome plan di contigencia cu lo wordo tuma e siman aki den e reunionnan di Crisis Team y e veld di Enseñasa pa asina informa docentenan, alumnonan, mayornan y comunidad henter debidamente”, Prome Minsiter a duna di conoce.