DIA 4 DI SEPTEMBER TA E ULTIMO FECHA PA ENTREGA FORMULARIONAN PA CONDECORACION REAL 2021

Condecoracion Real ta un reconocimento annual na nos ciudadanonan cu banda di nan trabou, boluntariamente ta haci cosnan excepcional pa comunidad. E ta un bunita reconocemento na esnan cu ta yuda otro den comunidad sin spera salario of otro tipo di fabornan. E procedura pa bin na remarke pa un Condecoracion Real ta un poco complica pero no imposibel.

Tur aña, Rey Willem Alexander ta duna Condecoracion Real na e ciudadanonan den paisnan di reino. Usualmente esaki ta dia di su cumpleaños pero pa motibo di Covid e la cay riba otro fecha y ta wordo duna door di nos Gobernador. Tur ciudadano di pais Aruba por propone un persona cu e ta kere ta bin na remarce. Si bo conoce un hende cu banda di su trabouu ta dedica hopi na yuda otronan, si ta den tereo social, deporte of scouting, cualkier tereno cu e ta haci hopi sin wordo paga p’e, abo por haci e peticion p’e.

Desde 1 di july a cuminsa tuma aplicacion pa Condecoracion Real 2021 y e ultimo fecha pa entrega propuestanan dia ta 4 di september. E siman aki ta e ultimo siman.

Pa haci esaki, por busca e aplicacion na Bestuurskantoor, of bo por download e formularionan via www.gobierno.aw, www.overheid.aw y www.government.aw. E Comision di Condecoracion Real lo bay evalua tur e peticionnan cu drenta y ta manda nan Hulanda pa nan tuma e decision final.
​
“Mi ta haci un invitacion na nos comunidad pa nos ban duna reconocimento na esnan cu merece. Porta e persona mes no kier pero e obra cu nan ta haci y e reconocimento por inspira otronan pa tambe yuda. Esaki sigur ta un bunita efecto cu nos kier”.