MEP TA CONVIVI CU SINT MAARTEN, SABA Y SINT EUSTATIUS.

​ 
Despues di pase di orcan Irma, e destruccion na islanan ariba ta severo. Lider di Partido MEP sra Evelyn Wever-Croes a manda palabra di convivencia na e pueblonan di Sint Maarten, Saba y Sint Eustatius.
 
Tambe lider di MEP a haci un apelacion na henter comunidad pa contribui cu e esfuersonan di Cruz Cora Aruba cu ta preparando pa bay duna asistencia na Sint Maarten.
 
"Ora cu mi wak e potretnan di e destruccion severo causa pa orcan Irma, mi ta haya dolor den mi curason. Nos tambe por yuda alivia e dolor di nos rumannan na St Maarten, Saba y Statia. Rode Kruis Aruba ta preparando pa bay duna asistencia. Abo tambe kier yuda? Haci bo contribucion riba cuenta di Cruz Cora Aruba na Arubabank, #038.401.0390 y menciona "Orcan Irma".
 
Cu Dios bendiciona bo generosidad. Nos oracion y pensamento ta cu tur e famianan cu a bira victima di destruccion di e orcan aki", lider di MEP Evelyn Wever-Croes a finalisa bisando. 

---