Diabierna atardi, Jerehm Campbell hunto cu su famia, campañadornan y candidatonan di Partido MEP, a sali for di Cede di Savaneta den un parada direccion CEDE di MEP Santa Cruz. Aki, den un rueda di prensa, el a wordo lansa oficialmente como candidato riba e lista victorioso di MEP.
Famia: Jerehm Campbell a nace y crece den e bario di Pos Chiquito. Su tata ta un meneer di scol di MTS pa hopi aña y su mama semper a disfruta di ta un ama di cas pa cuida Jerehm y su dos rumannan. Jerehm ta casa y ta tata di 6 yiu y dos nieto. Educacion y trabou: Jerehm tin educacion y experiencia amplio riba e tereno di salubridad publico y principalmente riba tereno di cuido mental y adiccion. E la studia enfermeria na Aruba y a termina su estudio na Hulanda den enfermeria social psychiatrico. Despues di su estudio, el a regresa Aruba y a traha na Directie Volksgezondheidszorg y despues na Coordinatiebureau Drugsbestrijding, como hefe na Centro Dakota. Tambe Jerehm a obtene su Pedagogisch-Didactische Getuigschrift (PDG) na IPA. Meta den politica: E trabou cu Jerehm ta desplega diariamente aki na Aruba, a pone realisa cu tin hopi problemanan social y hopi hobennan den adiccion cu ta bayendo den mal direccion. E nececidad pa un mehoracion den nos sistema y ta parti di e cambio pa miho a dun’e e empuhe pa e subi riba lista di Partido Movimiento Electoral di Pueblo y traha pa e pais aki riba e tereno social principalmente. Su Vision:
Pa mas informacion tocante e candidato aki, sigui nos riba nos pagina di facebook MEPofficial. Partido MEP ta yama Jerehm Campbell bon bini den nos Partido prestigioso y ta desee tur exito den e campaña electoral aki. Hunto nos ta bay pa e cambio sin miedo! @Candidatonan di Movimiento Electoral di Pueblo, MEP
0 Comments
Leave a Reply. |
Archivo
January 2021
|