 Minister di Turismo Sr. Dangui Oduber ta anuncia cu diaranson 10 di juni lo inicia e construccion di e pier na Rodgers Beach na San Nicolas. E pier a wordo aproba den e presupuesto di Tourism Product Enhancement Fund (TPEF) y ta cla pa ranca sali. E mandatario a menciona cu e proyecto ta encera un pier di 29-meter cuadra y tambe un plataforma di na banda di e pier cu por wordo uza pa haci zonnebad of simplemente pa bula den lama. Pa traha e pier lo haci uzo di e pilarnan existente den e lama. Segun minister Oduber e proyecto aki ta premira pa termina den 6 siman di tempo. E mandatario a bisa cu e idea ta pa rebiba e area di Rodgers Beach bek pa di e forma aki mehora e producto Aruba. Den e potret por mira un Rodgers beach yen di hende den decada di aña 1960. Minister Dangui Oduber ta contento di por cumpli cu e pueblo di Aruba y e comunidad di San Nicolas, apesar di e situacion actual dificil tog ta logra duna Rodgers Beach su pier bek.
0 Comments
Leave a Reply. |
Archivo
October 2020
|
RSS Feed