Minister Xiomara Maduro a bishita muchanan di Kidspreneur Bazaar den Caya Betico Croes

​Recientemente a tuma luga e Kidspreneur Bazaar den Caya Betico Croes. Minister di Finansa, Asuntonan Economico y Cultura a pasa bishita e bazaar caminda hobennan a demostra nan talento pa ta comerciante. E seccion IDEA di Departamento Economico hunto cu Traimerdia a organisa diferente curso durante aña pa asina nos hobennan siña traha nan producto y trece esaki na benta pa publico. Pa e mandatario encarga cu economia tabata un placer pa wak e enthousiasmo di nos hobennan cu a participa na e Kidspreneur Bazaar. Masha danki na IDEA, Traimerdia, tur mayornan y tur otro persona cu a haci e evento aki pa nos hobennan posibel. Ban sigui brinda apoyo pa nos hobennan mayan por bira comerciante exitoso.