 Diabierna anochi Minister Xiomara Maduro tabata presente na un recepcion pa yama ayo na sr. Ronald van Holland kende ta bay bandona Aruba despues di a traha 12 aña y mei na Departamento di Impuesto DIMP. Ronald a traha como specialista di inkomstenbelasting, loonbelasting, winstbelasting y tabata un specialista cu a yuda riba hopi mas tereno y proyecto di impuesto dentro di DIMP. Minister Maduro a hiba palabra pa gradici Ronald pa su trabou na bienestar di DIMP y Aruba. Specialmente pa Ronald su aporte na e trabounan di e Reforma Fiscal pa nos Pais. Como muestra di aprecio Minister XIOMARA Maduro a brinda Ronald den presencia di su famia y coleganan di DIMP, un regalito pa asina Ronald por keda semper cu Aruba den su mente y curason. Masha danki Ronald y hopi exito pa bo y famia cu boso reto nobo.
0 Comments
Leave a Reply. |
Archivo
October 2020
|
RSS Feed