​Movimiento Electoral di Pueblo (MEP) a ser funda dia 9 di februari 1971 y den transcurso di añanan e partido a contribui grandemente na e desaroyo politico, estatal, economico y social di nos pais. MEP como un partido social democrata a ser funda door di un movimiento popular a base di principionan democratico y cu un sentimento social pa bienestar di tur ciudadano den e pais aki. 
 
Ora mi a drenta filanan di MEP e districto di San Nicolas tawata pasando den periodonan sumamente dificil riba termino economico cu consecuencia pa e otro areanan di bida moderno. Despues di tantisimo conseho di partido y tambe brainstorm sessions nos como organisacion politico a yega colectivamente na un plan di gobernacion atrabes di e democracia bibo cu ta existi den nos partido. Ora cu a forma gobierno di coalicion MEP\POR\RED mester a draft un programa di gobernacion cu tur tres partido politico por a biba cu ne anto esaki a sosode tambe.
 
Locual mi kier trece padilanti ta cu como candidato politico mi a lucha pa trece mas tanto cambio posibel aunke mi no a ocupa un funcion den nos parlamento pero como consehero general pa e Ministerio di Sr. Glenbert Croes. Faltando 7 luna pa nos digno pueblo bay urna electoral mi ta pidi sosten amplio di nos digno pueblo di Aruba pa por sigui traha riba e vision cu mi a presenta desde 2013. E unico actividadnan comercial economico na San Nicolas cu a mantene nan cabes riba awa e ultimo decadanan ta bida nocturno y mundo bancario. Ambos nos por a experencia cambionan aden. Banconan a cuminsa bay mas digital y bida nocturno tambe ta hopi limita den e forma existente. Ta tempo pa San Nicolas haya un atencion special den tur sentido. Nos Prome Minster Sra. Wever Croes a pidi publicamente pa sector priva inverti prome den e area aki di Aruba mirando e depresion economico. Varios proyecto a wordo prepara cu cooperacion estrecho cu San Nicolas Business Association con pa haci San Nicolas un alternativa riba area hotelero como sitio pa "outing" y di e manera aki crea desaroyo tan espera na San Nicolas. A finalisa Secrets Hotel, a sigui cu e Cultural Heritage City hunto cu Carnaval Village. A inverti den promenade unda cu awe comercio ta un tiki mas vibrante cu Principal Theater, restaurants, retail, arte y tambe WiFi pa encurasha walking traffic. A inverti atrabes di Monumentenfonds riba edificio di ex-Uncle Louis Store cu awe tin Departamento di Medio Ambiente ubica eynan. Tin algun inversionan mas na caminda pero Covid19 a stroba esaki.
 
San Nicolas ta grandi y tin hopi potencial pa nos por desaroya nos economia e parti aki di Aruba pa nos por carga nos poblacion. Sero Colorado sigur ta un area cu mester hopi mas atencion y mi ta propone pa esaki bira e driving force economico e siguiente periodo 2021-2025 pa crea un mixed market den e area entre vivienda pa nos digno pueblo, acomodacion high end pa turista entre cas y condominiums hunto cu e macro hotel Secrets. Minister Danqui Oduber a inaugura renobacionnan di nos beachnan y facilidadnan pero esaki a wordo stroba door di e pandemia y logico presupuesto di pais Aruba. Mi ta spera cu prome cu final di e periodo actual por ainda caba algun pier mas y tambe facilidadnan pa nos digno pueblo. Gobierno mester ta e trendsetter pa infrastructura manera a bin ta haci atrabes di Tourism Visitor Center, Island Festival, Setar Teleshop renobacion di Arubus Bushalte y Mall. E aña aki mi ta spera mas inversion di sector priva pa continua trece e cambionan tan espera pa crea cuponan di trabao den e districto. Mester sigui crea na San Nicolas espacio pa negoshinan chikito cu semper a haci San Nicolas grandi y asina poco poco lo crea un area mas progresivo unda lo tin bida social y cultural manera e resto di nos pais.  Nos meta e siguiente periodo di gobernacion 2021-2025 mester ta pa crea desaroyo economico na San Nicolas y trece progreso pa habitantenan di San Nicolas y p’esey mi ta pidi amplio sosten den mi persona pa eleccion di parlamento e aña aki na September 24, 2021.
"Respeta derecho di otro esey ta garantisa bo paz." Betico Croes

​Compania Eagle LNG cu ta localisa na Houston Texas, USA ta bay construi un terminal di gas na nos pais. Un tremendo noticia pa nos digno pueblo mirando cu esaki ta un inversion grandi di 150 miyon dollar den nos economia. Desempleo ta halto na Aruba cu pandemia di coronavirus, cu nos ta bringa un aña caba. Mas aun e area di San Nicolas ta uno cu no tin actualmente actividad economico treciendo un ambiente menos progresivo. E proyecto aki lo crea aproximadamente 150 pa 200 cupo di trabou pa e proximo dos añanan cu lo cuminsa mas tarda na Juni 2021. Nos ta bayendo den bon direccion pasobra ta na December 2020 Quanten LLC a firma un Letter of Intent (LOI) cu Refineria di Aruba (RdA) pa opera nos refineria. Cu e deal nobo aki e terminal di LNG lo remplasa heavy fuel oil tanto pa refineria como WEB N.V. cu den gobierno anterior a pasa den varios aventura pero nada no a wordo concretisa. Nos pueblo a sufri cu tarifanan halto di awa y coriente bao di e gobierno anterior cu e famoso contract di hedging y varios otro proyecto cu no a mira luz di dia. E terminal di gas lo fungi tambe como bunkering hub caminda tin posibilidad di habri un otro sector economico pa San Nicolas cu e industria di crucero cu ta usa gas y otro barconan. Lo exporta LNG gas den region y sigur esaki lo tin hopi mas beneficio economico agrega pa nos pais.  
 
Nos organizacion politico Movimiento Electoral di Pueblo kier logra diversifica nos economia creando varios pilar economico nobo. Esaki lo garantiza un crecemento economico stabil y Inclusivo. Stimulacion di crecemento economico, cu e meta principal pa crea empleo, lo tin atencion maximo pa partido MEP. Desde cu nos a forma gobierno na 2017 nos meta tawata pa explora formanan di energia alternativo cu mester reduci gastonan di awa y coriente inmediatamente pero Aruba su man y pia tawata mara na e deal desastroso di Citgo. Gabinete Wever Croes a encamina un proceso transparente atrabes di Request for Expressions of Interest (REOI-1) y (REOI -2) cu na final RdA a cuminsa negocia cu Quanten LLC y Eagle LNG. Tankinan, refineria y gas ta tres proyecto separa cu mester duna fruta di un economia fuerte cu mester duna awa y coriente pagabel y trabao pa nos clase obrero y nos profesionalnan. 
 
Nos ta para dilanti e posibilidad di un reapertura di nos refineria di Aruba, expande cu un facilidad pa Liquid Natural Gas (LNG). Cu e esfuerso aki di gobierno lo nifica progreso y desaroyo di un di dos pilar pa nos pais. E refineria tin un impacto directo riba nos economia. Den añanan 90, ex Lider di MEP Sr. Nelson Oduber a logra haya confianza di Sr. Oscar Wyatt pa habri e refineria bek bao di nomber di Aruba Coastal Refinery cu a inverti biyones di dollar pa upgrade e refineria. Durante e epoca aki alrededor di 775 persona tabata emplea directamente cu Coastal, mientras tabatin mas o menos 1.500 empleado di 70 diferente compania. Un boost economico tremendo pa districto di San Nicolas y Aruba completo. Actualmente Aruba ta depende riba un solo pilar economico, cu ta turismo, cu ta hopi vulnerabel na e momentonan aki, debi na e pandemia di Covid-19. Globalmente paisnan ta cera nan frontera pa purba mengua e efecto di contagio, mientras economianan rond di mundo ta sufriendo bao di esaki. Aruba no ta un excepcion. Cu reapertura di nos refineria, Aruba lo tin un di dos pilar economico, cu lo duna mas stabilidad economico y baha e dependencia riba un solo pilar economico. Banda di esaki e gobierno di Wever Croes ta poniendo atencion riba desaroyo di mas pilar economico, mas chikito pero cu por wordo desaroya grandemente. Aruba ta ubica strategicamente y mester por haci uso di esaki pa logra desaroya mas pilar economico pa bienestar di nos digno pueblo.

​Movimiento Electoral di Pueblo cu su Ideologia Social Democrata ta pa caba cu tur segregacion y division cu tabata existi riba e Isla aki. Desde su fundacion e ideologia di MEP ta Social Democrata, caminda e ser humano ta central. Den cuadro aki paritdo MEP a wordo acepta na 1980 como miembro di Socialista Internacional den un congreso cu a tuma lugar na Madrid, Spaña. Mas despues MEP a bira tambe miembro di COPPPAL (Conferencia Permanente de Partidos Politicos de America Latina y Caribe). Ambos organisacion tawata instrumental den e lucha di e peublo Arubano pa logra su Status Aparte. Betico Croes efm a cuminsa e tempo ey cu accionnan extra parlamentario cu e unico meta pa haya mas oido pa e causa di Aruba cerca Hulanda. 
 
Dia 18 di Maart 1973 un manifestacion masal a ser organisa den Wilhelminastadion pa demostra dilanti di e parlamentarionan di Hulanda y Antiyas cu Aruba ta  rechasa e federacion Antiyano y ta decidido den su lucha pa logra su libertad, esta Status Aparte. 
Dia 18 di Maart 1975 MEP a organisa un grandioso Marcha di Libertad cu flambeu den cayanan di Oranjestad. 
Alavez den e mesun aña ey un mocion di Eilandsraad a wordo acepta cu a haci posibel pa entama misionnan pa exterior en busca di apoyo pa e lucha di e pueblo Arubano. E misionnan aki tabata pa entre otro Colombia, Venezuela, Costa Rica, Panama, Hulanda, Inglatera, Merca, Nacionan Uni y Organisacion di Estadonan Americano (OAS). 
 
Mescos cu cualkier otro pais na mundo, Gobierno Insular a tuma e decision cu 18 di Maart ta bira nos Dia Nacional, esta nos Dia di Himno y Bandera. Den cuadro aki un comision di Himno a ser institui di 21 di Januari 1976 cu a haya e tarea pa conseha gobierno si mester haci 'Aruba Dushi Tera' himno nacional di Aruba y si esaki ta afirmativo, ki sorto di ritmo sea marcha of wals tin cu wordo uza. E comision den forma unanime a vota na fabor di interpretacion di e himno den ritmo di wals. E comision a duna su recomendacionnan na Gobierno Insular y dia 16 di Maart 1976 Eilandsraad di Aruba a aproba'Aruba dushi tera' como himno oficial di Aruba. E comision tabata consisti di Maybeline Arends Croes, Juan Chabaya (Padu) Lampe, E. Bennett, Hubert (Lio) Booi, Rufo Wever y secretario Juan E. Wever. 
Riba e mesun fecha 21 di Januari 1979 Gobierno Insular a instala tambe un Comision di Bandera cu e tarea pa organisa un concurso den pueblo pa un diseño di un bandera di Aruba. Mescos cu tabata e caso cu e himno di Aruba, riba 16 di Maart 1976 Eilandsraad a aproba e diseño di e bandera oficial di Aruba. Comision tabata Julio Maduro, Wouter van Romondt, Ronald Donk y como secretario Juan E. Wever. Aprobacion di Ortografia Etimologico: dia 5 di Mei 1976 Gobierno Insular a instala un comision di Ortografia pa formula y recomenda un ortografia oficial pa Papiamento di Aruba.. Dia 13 di September 1976 e comision a entrega su recomendacionnan na Gobierno Insular y dia 30 di October 1976 Eilandsraad a aproba e ortografia etimologico. Comision tawata Jossy Mansur, Ofelia Paris, Hubert Booi, Holmo Henriquez, Thomas Ruiz, Julio Maduro, August Croes, Salomon Fingal y secretario Juan Thijsen.
 
Despues di 35 aña di nos Status Aparte nos mester sigui profundisa nos derecho di Autodeterminacion. Libertad politico ta bin cu responsabilidad. Nos mester percura pa un pais unda enseñansa ta keda central den nos bida y desaroyo economico inclusivo.  Nos mester ofrece nos pueblo mas enseñansa na trabao (apprentice opportunities), promove un cultura di entrepreneur, inverti y mentor nos hobennan profesional, percura pa proteccion laboral (CAO's den sector priva) y condicionnan social di nos hendenan, proteha gruponan vulnerabel manera esnan cu ta migrante den nos mercado laboral pa limita abuso y explotacion inhumano. Nos pilar economico mas importante cu ta turismo lo tin retonan e siguiente añanan y ta importante nos upgrade educacion di nos hendenan pa por ta mas productivo pa por competi mas aun cu un mercado turistico cu mas demanda. Pa p’ariba di brug mester bin cu crowdfunding (famianan di e area) mester cuminsa netwerk mas y haci inversionnan hunto pa por logra mas prosperidad den areanan cu a keda den pobresa of marginal. Sector bancario a mustra resistencia pa  inverti den e progreso economco di Arubiano\Local cu tantisimo red tape.  Na 2016 crowdfunding global a yega $35.2 billon y $324 millon di esaki ta di Latino America y Caribe. Nos mester explora diferente sector manera esun primario y cannabis medicinal pa menciona algun pa crece e GDP per capita di p’ariba di brug y crea un clase media mas grandi na Aruba. Mi ta un di e poco politiconan actual cu a propone esaki desde inicio di mi carera politico, awo ta tempo pa haci esaki realidad como parlamentario di MEP hunto cu nos team completo di profesionalnan. Cu construccion di Secrets hotel na Seroe Colorado lo duna un empuhe atravez di San Nicolas Business Association (SNBA) pa funnel mas tanto e desaroyo economico cu habitantenan di p’ariba di nos Isla. Nos por a wak e boycot economico contra proyectonan pa p’ariba e ultimo 35 añanan di nos Status Aparte, esaki sigur no lo por sigui asina. "No tin lucha sin sacrificio y no tin sacrificio sin gloria." Betico Croes.

​Tabata riba dia 9 di Februari 1971 na Cumana 84 cu e hoben y dinamico lider Arubano Betico Croes den presencia y cu aprobacion di lidernan di bario for di tur skina di Aruba a funda e partido di ideologia social democrata, Movimiento Electoral di Pueblo (MEP). Y tabata den e reunion aki cu e colornan y emblema di paritdo a ser aproba: color geel y cu letternan cora. E emblema ta simbolisa un parha bulando riba Aruba buscando su libertad y iluminacion den e rayonan briyante di solo. 
Despues di 3 luna cu MEP a ser funda, un eleccion di Eilandsraad a tuma lugar y nos partido den e periodo sumamente cortico aki toch a logra haya 7 asiento cual ta representa un tercer parti di e elctorado Arubano. Sin duda cu MEP ta conta desde e tempo ey cu un nucleo solido ya cu durante 50 aña di existencia di nos partido nunca nos a yega di baha bao 7 asiento, cual siguramente ta un logro historico den Reino Hulandes.
 
Desde su fundacion nos organizacion politico MEP a destaca den su lucha ferviente pa trece union bao di tur ciudadano di Aruba sin importa rasa, color, religion etc. Movimiento Electoral di Pueblo ta e partido cu e tempo ey a percura pa caba cu tur segregacion y division cu tabata existi riba ei Isla aki. Sin duda cu e union aki tabata determinante pa por realisa e causa di e pueblo Arubano, esta nos Status Aparte. 
Pa por concretisa e deseo di e pueblo Arubano na un forma responsabel, MEP a percura pa institui e Departamento di Structura Estatal. E departamento aki a compila varios rapport y documento valioso riba tereno estatal e.o. publicacion 'Witboek voor de Status Aparte', skirbi pa mr. John van der Kuyp y mr. Henri Fingal.
 
Mi contribucion awe despues di 35 aña di nos derecho di Autodeterminacion registra na Nacionnan Uni den Reino Hulandes ta pa nos saca Aruba di e pandemia di coronavirus y crece un economia Inclusivo pa tur nos conciudadanonan. Den pasonan di nos ideologia Social Democrata mi politica ta uno di libertad, husticia social y solidarismo. Mi lo lucha den parlamento e periodo aki di 2021-2025 pa crece e economia di pariba di brug di Aruba y tur otro parti unda cu pobresa ta concentra. Trece prosperidad pa nos hendenan cu mas iqualdad, mas oportunidadnan rond di nos pais cu beneficionan tanto material como inmaterial pa aumenta e prosperidad den e hogarnan aki na Aruba. Mi vision ta pa San Nicolas haya un bez mas un comercio vibrante cu por competi y crea un sinergia cu comercio general di nos pais. Elimina mas tanto desempleo, trece cuponan di trabao cu ta paga bon y unda mester yuda nos pueblo haya mas educacion (cursonan) pa por yega nan meta den mercado laboral. September 24, 2021 mi ta pidi nos digno pueblo confianza den mi persona pa sigui lucha den filanan di Movimiento Electoral di Pueblo pa cristalisa deseonan di nos pueblo.

​E siman aki dia 9 di februari partido MEP ta cumpli 50 aña. Hopi hende ta puntrami dicon mi ta orguyoso di ta MEP. Ami a scoge partido Movimiento Electoral di Pueblo pa su Ideologia cu ta Social Democrata. Mi ta sinti mi liga na e ideologia di un organizacion politico den un sistema Capitalista cu enfoke riba e clase obrero. MEP a saca Aruba di e periodo colonial y duna nos pueblo su Identidad cu nos propio simbolonan di libertad: Himno, Bandera y Idioma combina cu nos propio structura estatal pa nos por desaroya nos Pais. Personalmente mi por sinti un sinergia entre lidernan di MEP: Betico Croes efm, Nelson Oduber y nos actual lider Evelyn Wever Croes. Mi deseo ta cu e pueblo aki sigui biba den libertad, harmonia y union nacional. Pa hopi mas motibo mi ta orguyoso di ta MEP y mi ta conmemora e 50 aña di nos partido cu un vision Inclusivo pa nos futuro!

​Awe 9 di februari 2021 partido MEP ta celebra su 50 aña di existencia; 50 aña di lucha y sacrificio, 50 aña na defensa di e pueblo Arubano, pero tambe 50 aña di logronan historico pa pais Aruba.
 
Dia 9 di februari 1971 Betico Croes dfm a funda e partido Movimiento Electoral di Pueblo (MEP). Desde principio caba partido MEP a pone su dilanti e ideologia social-democrata, nos structura estatal y un union di henter e pueblo Arubano, sin distincion di rasa, color, religion, status social etc. Den apenas 3 luna di tempo e partido aki a logra haya un tercera parti di e electorado Arubano, esta 7 asiento. For di e tempo ey MEP a sigui crece, tanto den voto como den cantidad di asientonan.
 
MEP ta wordo considera como un partido prestigioso. Un partido cu desde su fundacion a keda un partido grandi y esaki durante 50 aña largo, ya cu MEP despues di su promer salida na 1971 nunca a yega di baha bao di 7 asiento den eleccionnan di Eilandsraad y Staten di Aruba. Y den eleccionnan di Staten di Antiyas semper MEP a saca 5 di e 8 asientonan. Den henter Reino Hulandes no tin un partido politico cu un trayectoria asina impresionante!
 
MEP a conoce 3 lider
MEP ta un partido cu desde su fundacion te cu awor apenas a conoce tres lider, esta Betico Croes dfm, Nelson Oduber y nos actual lider Evelyn Wever-Croes. MEP ta un partido di cual despues di morto di su lider a wordo bisa den un vespertino Hulandes “Betico dood, MEP dood”. Sinembargo desde 1986 partido MEP a sigui crece den un forma grandioso, estableciendo recordnan impresionante durante e eleccionnan na 2001 y 2005 cu mayorianan absoluto.
Pa yega na un trayectoria impresionante asina ta evidente cu e partido mester a haci hopi cos bon pa e comunidad aki. Y esey MEP a haci den un forma cu no ta laga duda atras. 
Durante e ultimo 50 añanan partido MEP a traha incansablemente pa e desaroyo di Aruba, tanto riba tereno estatal, economico, social, cultural, deportivo etc. MEP como un partido cu ideologia social democrata semper a tene na bista cu e pueblo Arubano y specialmente esnan di menos recurso mester ta central den e desaroyo aki.
 
Logronan estatal
Riba e tereno estatal nos partido tabatin problemanan serio cu e sistema politico di e structura di Antiyas Hulandes ya cu Aruba tabata den minoria compara cu e isla mas grandi, esta Corsou. Despues di su promer salida exitoso na 1971 Betico Croes, otro miembronan di partido y e militancia a pasa den temponan masha duro mes na unda nan mester a hiba un lucha tenaz contra esnan cu semper a pone trampanan den caminda pa nos no logra nos libertad, esta nos Status Aparte. Danki na su carisma, perseverancia y determinacion combina cu e respaldo incondicional di su pueblo, Betico  Croes y MEP a logra pone e politiconan Antiyano y Hulandes y hasta su opositornan local respeta deseo di pueblo. Pa por a yega asina leu MEP mester a haci hopi sacrificio, drama sanger, sodor y lagrima pa realisa e anhelo di nos pueblo pa su libertad.
MEP ta e partido cu a percura pa nos simbolonan di union y libertad, esta  Himno y Bandera, nos moneda, nos ortografia, nos propio Constitucion, Gobierno, Parlamento, nos propio Gobernador, Banco Central etc.
 
Referendum y Augustus Scur
E referendum di 25 maart 1977 y e accionnan di augustus 1977 tabata determinante den e lucha pa Status Aparte y ta danki na e accionnan aki Aruba a wordo scucha door di Hulanda.
Finalmente e deseo di Aruba a wordo cumpli durante e Conferencia di Mesa Rondo na Maart 1983 na unda nos derecho di autodeterminacion a ser reconoci y aproba pa nos sali for di Antiyas dia 1 di januari 1986 y cu nos lo bira independiente dia 1 di januari 1996 den un Man Comunidad cu Hulanda. E fecha di Independencia a wordo impone riba Aruba pa por a sali for di Antiyas. E tempo ey Betico Croes a bisa bon cla cu MEP lo acepta por lo pronto e condicion aki, pero cu nos lo bolbe. Y ta cu honor dia 13 di juli 1990 ex-Minister President Nelson Oduber a percura pa scrap e fecha di Independencia 1996 for di den Statuut, pero manteniendo e derecho pa bira independiente dia cu e pueblo aki den un referendum dicidi esaki den su mayoria cu aprobacion di 2/3 parti di Parlamento, cual ta un garantia solido y responsabel.
 
Otro logronan importante di MEP
E proyectonan cu a wordo ehecuta door di e gobiernonan di MEP durante e ultimo 50 añanan ta innumerabel. Echo ta cu ta danki na e logro di Status Aparte na 1986 cu MEP a realisa, Aruba a haya e instrumentonan economico pa por logra desaroya e pais aki. MEP ta wordo considera un partido constructor y realisador ya cu durante gobernacionnan di MEP un gran cantidad di proyecto a ser ehecuta: Practicamente tur e casnan social a wordo construi pa MEP, Complehonan deportivo, edificionan di gobierno, construccion y renobacion di scolnan, institucion di tur e empresanan estatal, waf di container, Plan Sasaki, wardanan di polis, careteranan, teleshopnan, casnan di cuido, centro medico, parke di Molina di biento, e unico hotel di 5 strea Ritz Carlton etc. Tur e proyectonan aki ta visibel pa un y tur den comunidad.
 
Coastal, SACE y Plant NV
Un otro logro importante tabata e reapertura di e refineria cu Coastal na 1991. Tambe e firmamento di un acuerdo cu ‘SACE’, unda a trece un solucion den e problema di garantianan hotelero. E acuerdo cu Hulanda na unda 250 miyon florin di Plant N.V. a pasa pa Aruba ta un logro historico den cual ta demostra un biaha mas cu MEP semper a goberna cu curashi, perseverancia y determinacion.
 
Gradicimento
Awe cu MEP ta cumpli 50 aña un gradicimento ta bay na un y tur cu a funda y guia e partido manera Betico Croes dfm, nos lider honorario Nelson Oduber, nos lider actual Evelyn Wever Croes, tur cu a participa riba lista di partido den tur e 50 añanan, Conseho y Directiva di partido, lidernan di bario, presidentenan, Forza Femenino Grace, HOT, nos votadornan y un y tur cu a sostene MEP durante 50 aña largo. Na esnan cu a aparece riba lista y cu a bay laga nos, un palabra di gratitud y aprecio pa tur locual nan a haci pa MEP y cu nos Creador duna nan sosiego eterno.
MEP semper di pueblo, cu pueblo y pa pueblo. Pabien Aruba.

​First they ignore you, then they laugh at you, then they fight you, then you win. This legendary quote from India's national hero Mahatma Gandhi couldn't be further than the truth. My political focus has always been on an inclusive economic policy. I have analysed over the years how to achieve economic growth or bring more money into the households of the San Nicolas inhabitants. According to our Central Bureau of Statistics (CBS) San Nicolas has pockets of alarming poverty and my intention is to provide structural solutions to this phenomenon. 
We can grow the Aruban economy in the next decade to be an inclusive one by implementing policy to establish micro economic sectors to the so called pariba di brug of Aruba.
 
I. Medical tourism sector has great potential as we continue investing in IMSAN to become Aruba's second hospital. This will create professional jobs and the economic and financial spinoff will be enormous for the area.
II. Quanten Aruba LLC a dynamic oil refinery with a regional business development for LNG terminal would get the area the necessary investments and help redevelop a San Nicolas commerce fit for the 21st century.
III. Master plan for Seroe Colorado targetting niche tourism markets contrary to Eagle and Palm Beach. Creating a progressive lifestyle in the area with more opportunities.
IV. Redevelopment of downtown San Nicolas into a modern Aruban city with its specific Aruban identity will bring the contrast needed for local & international investments.
 
These four potential sectors isn't one that can be developed in one government term hence the title of this article 'San Nicolas 2030'. Without the necessary Foreign Direct Investments (FDI) government would remain very limited in bringing these structural changes. This is a crucial election year where we can reelect the Electorate Movement of the People (MEP) to continue putting Aruba back on the wheels of progress for all and not a few. Your humble servant is asking for your political support this coming parliamentary elections in September 2021. Together we are strong, divided we are weak. San Nicolas it’s now or never.

​Dear San Nicolas inhabitants, we are at a crucial point this election where we can continue to put San Nicolas on a path of economic progress and equal opportunities within our Aruban democracy or we can change political leadership and end up with more adventures like we have seen in the past. I am confident in Mrs. Evelyn Wever Croes, current Prime Minister of Aruba and leader of the Electorate Movement of the People (MEP) will continue giving me the support as a member of this political organization to represent our district and Aruba in general in the following parliamentary elections this September. Cabinet Wever Croes period was a very challenging one. Aruba's public finances were at its worst that we have seen it the last 35 years as an Autonomous country in the Dutch Kingdom. There is no need to cry over spilt milk but look forward for a better future for all of us as citizens of Aruba. I have been a political candidate from 2013 and this parliamentary election I am once again asking for your political support to become an elected parliament member for Aruba during the period of 2021-2025. By 2030, we will know whether we’re on the path toward a better planet and Aruba can't be left behind.
 
San Nicolas historically has been an industrial town since the 20th century and was the envy of all other Caribbean Islands with the establishment of the LAGO Oil refinery for most of the century until its closure March 1985. Since then San Nicolas has kept going in a slower state of progress compared to the rest of Aruba and around 2014 we finally collapsed. San Nicolas experience a closure of 95% of its businesses with all the negative consequences of such. We have our entire population working on the other side of Aruba having less social time for their families and loved ones. We can point fingers and discuss on many topics why we haven't successfully gotten our fair share as Arubans, which at this point is useless. We can only hope we have learned of our shortcomings and have the courage to fight collectively for a better tomorrow.  When we look at periods when MEP was in government, San Nicolas had periods of measured progress: When the late Betico Croes (national hero) led the MEP party we upgraded the neighborhoods of the Village and Naked City known today as Esso Heights, these areas were in dire poverty and still the MEP party never got majority support in the elections of 1985. During Cabinet Nelson O. Oduber I & II we opened the Coastal refinery (19 October 1989) and still lost the following election. During Cabinet Nelson O. Oduber III & IV we built Setar Teleshop, Station Arubus San Nicolas, Skol di Arte, Centro Medico San Nicolas, Warda di Polis San Nicolas, Casnan di pueblo na Rooi Congo, Renobacion Esso Heights, Renobacion Village, Construccion Centro di Bario Lago Heights, Construccion Centro di Bario Brasil, Oficina nobo di SVB, HAVO School na San Nicolas, Construccion Biblioteca San Nicolas, Construccion Centro Cuido pa nos Grandinan na Palisiaweg na San Nicolas, Construccion di Planta di Purification na Zeewijk, Renobacion y Ampliacion di KIA, Visibility Team, Lusnan di Caya na San Nicolas y Vecindario, Teamnan Districto Social di San Nicolas, Construccion y Renobacion  di Cayanan na San Nicolaas, Savaneta y Pos Chiquito, Construccion Turistico na Seroe Colorado, Construccion di Oficina di FCCA na San Nicolas, Construccion Transformator San Nicolas, Proyecto di Biento di Molina na Vader Piet, Renobacion Graf van Zinzendorf School na San Nicolas, Renobacion Maria Regina School na San Nicolas, Renobacion di School di Polis (Edgar Watty Vos) na San Nicolas,  Renobacion di Pieterboerschool na San Nicolas, Renobacion di Baby Beach na Seroe Colorado, yet we lost the subsequent election. 
 
We are in the year 2021 Cabinet Wever Croes have governed with no money, public finances were at its worst in our political history. We inherited most government departments in default, social degradation at its highest point and yet we have managed to bring Aruba back to reasonable standards in the Dutch Kingdom. We had before the coronavirus pandemic our national budget was at a surplus of 41 million from a 400 million deficit. The work that has be done is truly extraordinary to say the least. Now is time we manage to get out of the pandemic to reconstruct Aruba for its citizens and visitors alike. Cabinet Wever Croes during 2017-2021 expanded Instituto Medico San Nicolas (IMSAN), We have lost three years to get out of the disastrous and failed contract with Citgo and finally signed a Letter Of Intent (L.I) last december 2020 with Quanten Consortium Aruba LLC. Government signed in January 2021 with Eagle LNG for a terminal in San Nicolas and by this March we should have a definite on Quanten Consortium Aruba LLC refinery in San Nicolas. We have done many other projects like: Oficina di gobierno Edison Briesen (bringing government services closer to our people), Proyectonan di Deporte despues di skol IBISA San Nicolas, Renobacion Tourism Information Center San Nicolas, Renobacion Setar Teleshop San Nicolas, Renobacion Arubus Mall San Nicolas, Island Festival San Nicolas, Introduccion di AREA pa Comercio di San Nicolas, WiFi pa Promenade y Caya Principal San Nicolas, Renobacion Cura Cabay Beach, Polis di Bario Mabon, Renobacion Baby Beach y Rodgers Beach, Secrets Hotel San Nicolas, Atencion pa Infrastructura. Its time San Nicolas voters give the MEP party the popular vote. Your support this coming September is crucial. Let’s give the Electorate Movement of the People (MEP) a majority vote and I ask you to give your servant a popular vote to get elected in parliament to continue working for a more progressive San Nicolas. "It’s better to die on your feet than to live on your knees." Emiliano Zapata