MIKE EMAN TA PURBA DRENTA DEN GOBIERNO Ni den bon tempo el a sirbi den Gobierno, corda den crisis

Di tur skina ciudadanonan ta comenta riba e intentonan absurdo di Mike Eman pa drenta den Gobierno. Mike Eman ta lobby cerca comerciantenan grandi cu ya a cuminsa dun’e placa caba. Comerciantenan cu no a logra nan gusto cu e gabinete actual ta cla pa uni forsa pa benta Gobierno abou. Ta akinan Mike Eman a cuminsa lobby pa e por drenta Gobierno.


Ademas Mike Eman a bay lobby na Hulanda pa roga nan pa traha un Gobierno di MEP cu AVP na Aruba.
Y p’esey Mike Eman ta orkestra desobediencia den henter comunidad mas ainda den e dianan dificil aki. Pero, cu e accionnan di Mike Eman especialmente den e ultimo dianan mientras cu mundo henter ta den crisis, ta bisto cu Mike Eman no ta interesa pa nada den bienestar di nos pueblo. Unico cos cu e kier ta poder pa sigui abusa di e pueblo pa beneficia su mesun saco, pa beneficia saco di su famia y di su amigonan tanto den partido y esnan mas cerca di dje.


P’esey ta bay un yamada na comunidad: rechasa loke Mike Eman ta haciendo. Ni den bon tempo e por a goberna nos pais, corda awor den crisis. Mike Eman a nenga di forma gobierno, el a nenga di bay den Parlamento. Ta kico e kier bin haci awor?