top of page

AVP DEN 8 AÑA NUNCA A AHUSTA TAMPOCO AUMENTA E NORMBEDRAG PA SCOLNAN NA ARUBA

Profeta Hananias Mike Eman manipulando atrobe

Secretario General di MEP:

Secretario General di MEP por a tuma nota cu Mike Eman a cuminsa cu su campaña di calumnia y manipulacion. Recien, Mike Eman a bay para yora dilanti EPB Hato manera alma malo y atrobe trece blasfemia. Lo refresca Mike Eman y AVP nan memoria riba nan propio hechonan.


Mike Eman sinonimo di Hananias:

Den Testament tin graba un historia di Profeta Hananias. Profeta Hananisa tabata un Profeta falso kende tabata gaña su pueblo “indoctrinando e pueblo cu mentiranan flagrante contra, entre otro, NABUCODONOSOR Rey di Babilonia. Mike Eman a manipula pueblo di Aruba na 2009 pa gana eleccion. Gañando pueblo cu AVP lo “elimimina” BBO y cu AVP lo baha prijs di awa y coriente cu 45% paso nan lo tin e formula. Den 8 aña Mike Eman a aumenta e BBO y a entrege mas halto cu el a ricibi’e na 2009. Den 8 aña Mike Eman y AVP a aumenta prijs di coriente cu 35.5% y esaki ta comproba cu cifranan di WEB y ELMAR. Mike Eman a logra manipula pueblo mescos Profeta Hananias y finalmente Mike Eman y su “clan” a horta y plunder nos pais creando e mega debe y casonan manera IBIS cu castigo penal y Avestruz tambe cu castigo penal, esaki tabata resultado di su maneho segun Mike elegante. Mike kier indoctrina pueblo atrobe, pero nos lo sa di “kita Mike suno” ki ora e papia un disparate pa asina pueblo compronde e grado di engaño na tempo y no cay den Mike y AVP nan trampa nunca mas.


Mike Eman y AVP den 8 aña NUNCA a aumenta of ahusta e normbedrag:

Mike Eman diahuebs ultimo, a sinta yora dilanti EPB na Hato gañando algun alumno alrepsecto normbedrag. Normbedrag ta hancra den leynan di enseñansa tanto den LV Kleuter (art 55), LV Basis (art 64a) y LV Voortgezetonderwijs(art 76a) y ta determina e expoitatiekosten cu directivanan ta haya pa aña a traves di subsidie. Mike Eman para dilanti EPB ta gaña atrobe. Textualmente Mike a bisa lo siguiente: “ora e suma no ta alcansa mas cu e scol no por cubri su gastonan bo tin di adapta e normbedrag. Esey ta algo cu ta sosode cada 5 of 10 aña segun Mike. Sinembargo, ley ta prescribi cu esaki ta tuma luga cada 3 aña y no cada 5 of 10 aña manera Mike ta pretende. Alabes ta un “FEIT” cu Mike Eman y AVP durante nan gobernacion di october 2009 pa november 2017 esta den 8 aña NUNCA pero NUNCA a ahusta e normbedrag. Rapportnan ta papia cla di esaki. Anto awe Mike kier ple victima comosifuera cu Mike Eman y AVP tabatin atencion pa scolnan. Durante aña 2023, Gobierno di Aruba a ahusta e normbedrag cu 3.2 miyon florin y EPB ta haya 800 mil extra. Durante aña 2024 Gabinete Wever Croes II tin 3.2 miyon adicional den presupuesto pa e normbedrag. Pues ta pidi Mike y AVP pa papia e berdad si. Tambe, percura pa AVP vota na fabor di presupuesto 2024 paso eyden tin 3.2 miyon adicional pa e scolnan. Eman a grita dilanti EPB cu Gabinete Wever Croes II no a drecha ni un solo scol. Mentira flagrante atrobe manera Profeta Hananias. Nos ta invita Mike Eman di awor pa e apertura di Sint Aloysius na noord, cual ta tuma luga fin di luna di september proximo. Wak pa bo tey Mike! Nos lo informa pueblo!

Comments


bottom of page