EDUCA, FACILITA Y INNOVA:
EDUCACION Y CAPITAL HUMANO DEN SALUD: SOSTENIBILIDAD Y RESILIENCIA PA UN POBLACION CRECIENTE
Logrando ampliacion di Ley ARUBIG 2017, e reconocimiento di Organonan di Acreditacion (CNA di Colombia y SINAES di Costa Rica) ta facilita un gran potencial pa aliansa cu programanan universitario (di region) pa specialisacion di profesionalnan di salud gradua den region na Aruba mes. Esaki ta forma parti di e vision cu e programa actual di partido MEP ta presenta.
E ampliacion di e ley aki ta trece evolucion den pensamento y sigur mas oportunidad habriendo portanan antes cera y kibrando e trayectoria di discriminacion di nos hobennan profesional y nan diploma den area di salud di regio.
Evolucion ta e secreto pa e proximo paso:
Actualmente IMSAN ta conta cu un programa di Huisartsopleiding den aliansa cu VUmc te Amsterdam. Esaki a su ves ta exigi cu e profesionalnan di Medicina General mester ta registra den BIG di Hulanda pa por cuminsa cu e trayectoria di Medicina Familiar na Aruba. E rekisito aki ta forma un barera pa e profesionalnan medico di region pa logra specialisa y probecha di e programa aki na Aruba mes.
E ampliacion di e Ley ARUBIG ta crea e potencial y facilidad pa crea aliansa y entre otro aumenta posibel programanan nobo cu universidadnan di region. Esaki lo brinda un solucion pa e barera actual cu hopi medico general cu a studia y gradua den region por continua cu nan estudio pa specialisa den medicina familiar entre otro. Esaki lo haci e trayectoria posibel sin cu tin mester di un registro di BIG di Hulanda cu ta e rekisito y barera actual pa e programa di Huisartsopleiding na Aruba di VUmc te Amsterdam na IMSAN.
Sin duda e fortalecemento di e capital humano na Aruba ta esencial pa mantene un forsa laboral capas di por mantene y brinda cuido den salud na un poblacion creciente. E pensamento aki ta cay bou e concepto di desaroyo sostenibel y fortalecemento laboral den salud.
Comments