top of page

GOBIERNO LOGRANDO MOMENTUM PA RESCATA NOS ECONOMIA

Parlamentario Marco Berlis:

For di 2017, gobierno di Aruba e hereda un megadebe di 86.2% segun BCA. E interes di e megadebe a aumenta di 100 miyon pa 250 miyon pa aña. Tur esaki sin conta e PPP proyectonan aden. E herencia desastroso y corupto aki ,8.5 gobierno lo mester carge prome cu e megadebe aki ta paga. Un debe cu pais Aruba y su ciudadanonan lo mester paga den un tempo dificil. Sinembargo, gobierno ta trahando duro pa saca Aruba di e situacion dificil aki. E noticianan di e logronan di gobierno ta creando speransa, paz y trankilidad atrobe den nos comunidad. Esaki, sin kita afo cu gobierno mester a tuma decisionan poco popular, pa haci nos economia resiliente atrobe. Den e articulo aki mi kier remarca algun di e tantisimo logronan di gobierno pa yuda economia di nos pueblo y di nos pais mehora;

1. For di April te cu October nos turismo a recupera entre 103%-105% compara cu 2019!

2. Banco Central di Aruba a publica den Augustus 2022 cu nos economia a crece cu 16.2% den e prome kwartaal di 2022 y 5.7% den e segundo kwartaal.

3. Aumento di 3% pa pensionadonan cu e posibilidad di aumenta esaki pa December 2022. Gobierno a aumenta pensioen na 2019 cu 4.2%. Total pensioen a subi 7.2% den apenas 5 aña.

4. A aumenta reparatie toeslag pa pensionadonan.

5. Desempleo a baha drasticamente y tin hopi empleonan disponibel atrobe den tur sectornan.

6. Loonbelasting a baha desde 2021 pa yuda e poder di compra di nos ciudadanonan. Belastingsvoet a subi te cu 30 mil florin pa aña. Kiermen, cu esnan cu ta gana 2500 bay abao lo paga menos.

7. Gobierno a logra baha e deficit di 2022 di 291 miyon pa 92 miyon cu un nota di cambio cu a wordo presenta durante e suppletoire begroting. Un logro gigante di seriedad y trabao duro!

8. Gobierno a entrega presupuesto 2023 pa prome biaha na tempo despues di 15 aña. Ademas gobierno a logra di baha e deficit di 1028 miyon florin pa 63 miyon di surplus, cu ta 1% di nos GDP den tres aña di tempo! Asina gobierno ta cumpli cu exigencianan di Rijksministerraad y CAFT.

9. Gobierno a corta su gastonan cu miyones for di presupuesto segun exigencia di CAFT.

10. A aloca 600mil florin pa yuda kita adictonan ambulante for di caya, duna nan cuido y tratamento.

11. 400mil florin pa proyectonan di innovacion pa scolnan. Tur scol por inscribi pa e EDUTECH FUND.

12. A cumpli cu e pagamento bek di 5% na ambtenaarnan y lo cumpli cu 7.6% na Januari 2023.

13. Brandweer a haya inversion grandi pa trucknan y ekiponan nobo.

14. Stichting FMAA y SPD a haya inversion y lo traha hunto den un edificio como stichting HUNTO.

15. Gobierno combatiendo abuso sexual di mucha a introduci e programa pa muchanan di “Mi Mes Un Heroe.” Tambe a subi e castigonan maximo pa zedendelicten.

16. Gobierno a introduci un maneho mas eficiente den e cuadro di Husticia, unda cu a pone e departamentonan di KPA, BCI, AI y CEA bao di un solo dak, promoviendo comunicacion, eficiencia y bahando gasto drasticamente pa pais Aruba cu e logro aki. Aki ta spaar mas di un miyon florin!


Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!

Comments


bottom of page