Señor Mr. Juan E. ‘Ady’ Thijsen, a wordo apunta como Presidente di e Comision Ehecutivo di OCTA. For di aña 2021, Aruba como un di e paisnan den OCTA tin e encargo di Presidencia di e comision importante aki. Señor Thijsen lo fungi den e funcion aki te cu e siguiente Forum di OCTA cu lo tuma luga posiblemente na september e aña aki na Nouméa, New Caledonia na unda cu e posibilidad ta grandi cu e lo keda cu e function aki mirando e trabaonan y tambe con señor Thijsen lo presidi e trabaonan. E tin di haber cu confiansa cu e organisacion ta deposita den señor Thijsen cu ta un persona hopi responsabel y profesional.
E fondonan di Union Europeo ta di sumo importancia pa nos paisnan di OCTA. Specialmente despues di e daño grandi cu Covid a causa na nos paisnan.
“E ta un honor pa mi por representa nos digno pueblo den e funcion aki cu ta hopi importante pa nos pais Aruba. Mi ta contento cu e Comision Ehecutivo di OCTA a duna nan confiansa y sosten na mi persona pa cu e funcion aki. Hopi danki tambe na nos prestigioso partido MEP pa e confiansa y sosten y respet cu semper boso a duna mi. E Lucha ta Sagrado”, Señor Ady Thijsen a expresa.
Lider di MEP y Prome Minister di nos Pais, señora Evelyn Wever-Croes, den nomber di Partido MEP y den nomber di e pueblo di Aruba, ta felicita señor Ady Thijsen y ta gradici’e pa e trabounan cu e ta haciendo na Europa pa nos pais y poniendo Aruba riba un nivel halto di respet y confiansa
Pa mas informacion bishita e website di OCTA : https://www.overseas-association.eu/about-octa/