Carnival Village riba su mes ta un bunita proyecto, pero e falta hopi pa por bira un exito completo. Comerciantenan a inverti basta pa por haci e kiosconan un luga masha gezellig mes, local y tambe turistanan sa bin bishita Carnival Village. Awe nos ta mira cu varios di e kiosconan ta cera, basta tempo caba no tin mucho actividad mas.
A bira cla cu e deseo pa uzo di Carnival Village ta mucho mas cu solamente pa carnaval. E grandura, e infrastructura ta duna oportunidad pa organisa varios actividadnan. Mi a entrega diferente mocion cu tin di haber cu Carnival Village of ta rekiri desaroyo di Carnival Village pa e luga aki por wordo uza pa mas actividadnan cultural, enseñansa, deportivo, recreacion, musical/concierto. Esaki lo trece mas actividad pa ful Aruba y tambe nos turistanan por gosa di dje. Oportunidad pa crecemento di nos economia.
Somehow, comerciantenan/organisadonan no ta logra haya permiso pa organisa actividadnan na Carnival Village. Motibo cu ta wordo duna door di DIP ta cu e actividadnan cu ta pidi permiso p’e no ta pas den e ‘plan’ cu tin pa Carnival Village. Un plan cu comerciantenan no tin den nan posesion, ami no por a haya di DIP direct, pero si ta wordo uza pa nenga desaroyo di e luga aki. Un plan cu kisas no ta cuadra mas cu e deseo di pueblo.
Mi a tuma contacto cu Minister di Infrastructura, cual ta Minister President, pa e intermedia pa mi por ricibi e ‘bestemmingsplan’ di Carnival Village. Basa riba loke tin skirbi den e plan aki, nos por evalua si, y con, por logra un adaptacion cu SI ta bira posibel pa nos haci e uzo di Carnival Village uno mas amplio.
