SECRETARIO GENERAL DI MEP, ENDY CROES:
Diabierna atardi, ronda pa famia y sostenedonan Partido MEP ta clausura aña 2022 cu e dande tradicional y pagara pa asina ta yama bon bini na un aña nobo di union, optimismo y prosperidad. Rey di Dande Jason Kelly tabata presente pa canta e dande ganado hunto cu e famia di MEP na Cede.
Presidente di partido MEP, sr. Ricky Hoek a cende e pagara di mey miyon tiro. Un atardi ameno unda a comparti cu esnan presente y reflexiona riba aña 2022. Por ultimo, Secretario General di MEP, sr. Endy Croes ta desea e pueblo di Aruba un feliz y prospero aña 2023.