088A9590_edited.jpg

Sue-Ann

Ras

Candidato #16

Logo Mep - Horizontal.png

Sue-Ann Ras 

Pa 15 aña Sue-Ann a traha den veld di enseñansa, cuminsando como docente di scol basico; Colegio Cristo Rey y despues pa 13 aña a traha como docente di Papiamento na scol secundario; Filomena College Mavo, unda a traha tambe na tanto avond como  middag MAVO. Den e periodo ey tambe el a eherce diferente funcion den enseñansa, manera: Docente di Recapacitacion di Papiamento na IPA pa tur e docentenan di e scolnan basico na Aruba, Coordinador di examen klas na Filomena College MAVO, como tambe; mentor, coordinador di actividad, relacion publico, TCD-er (Toets Controle Deskundige) di Papiamento pa examen di MAVO y EPI na Examenbureau.

 

Cu e deseo y pasion pa sigui lucha p’e status di Papiamento den enseñansa, Sue-Ann a drenta politica dia juli 2017, unda el a eherce e funcion como un Parlamentario cu caracter fuerte y firme riba e area di enseñansa y social p’e periodo di 20 di november 2017 te cu 11 di september 2019. Actualmente Sue-Ann ta consehero di Ministerio di Asuntonan Social y Labor, encarga cu dos tarea specifico: implementacion nacional di e Ordenansa Nacional di Codigo di Proteccion (Meldcode) y Kinderopvang na Aruba. Banda di esaki Sue-Ann ta apunta tambe como ‘kwartiermaker’ di e Departamento di Mucha y Hoben, cu lo ta encarga pa traha maneho nacional pa mucha y hoben a base di e Ordenansanan Nacional y Tratado Internacional di Mucha.

 

Caracter combina cu un bon educacion general, ta loke Sue-Ann ta kere firmemente cu un persona mester tin como herment principal den nos carera como educador y innovador; esaki ta ekivalente na disciplina propio, integridad, lealtad, abnegacion y boluntad di acepta responsabilidad y duna cuenta di nos accionnan.