Xiomara Maduro ta naci dia 24 di december 1974 y ta mama di un yiu homber, Ethan Ruiz di 14 aña.

 

Educacion

Despues di a termina VWO na Colegio Arubano, Xiomara a bay studia na Hulanda, unda el a obtene prome su ‘Bachelor Degree in Economics’ na Hogeschool van Arnhem en Nijmegen. Despues a sigui pa e titulo di ‘Meester in de Rechten’ den ‘Bedrijfsrecht’ na Rijksuniversiteit na Groningen.

 

Carera Profesional

Na aña 2003 Xiomara a regresa Aruba y el a traha seis aña como Funcionario di Maneho (Beleidsmedewerker) na Meldpunt Ongebruikelijke Transacties (MOT). 

 

Carera Politico

Na augustus 2009 Xiomara a debuta como politico participando na eleccion electoral den september 2009 y a keda elegi como Parlamentario di Pais Aruba. Xiomara a fungi como Parlamentario pa ocho aña y tabata conoci pa su actitud critico riba e maneho financiero di Pais Aruba.

 

Na aña 2017 na momento cu Partido MEP a forma Gobierno di coalicion, Xiomara a asumi e responsabilidad como Minister di Finansa, Asuntonan Economico y Cultura pa Pais Aruba.

 

Xiomara ta conoci como un mandatario carismatico cu ta traha cu curason y caracter pa Pais Aruba. Apesar di ta encarga cu carteranan hopi pisa, semper por mira un sonrisa riba su cara.