closeup-shot-waving-flag-aruba.jpg

Historia

HIMNO Y BANDERA

Mescos cu cualkier otro pais na mundo, Gobierno Insular a tuma e decision cu 18 di maart ta bira nos Dia Nacional, esta nos Dia di Himno y Bandera. Den cuadro aki un Comision di Himno a ser institui dia 21 di januari 1976 cu a haya e tarea pa conseha gobierno si mester haci ‘Aruba Dushi Tera’ himno nacional di Aruba y si esaki ta afirmativo, ki sorto di ritmo – sea marcha of wals – tin cu wordo uza.

comision_1.png

E COMISION TABATA
CONSISTI DI E SIGUIENTE
MIEMBRONAN:

Maybelline Arends-Croes
Rufo Odor
Juan Chabaya (Padu) Lampe
E. Bennett
Hubert (Lio) Booi
Rufo Wever 
secretario Juan E. Wever

 

COMISION DI BANDERA:

Riba e mesun fecha di 21 di januari 1976 Gobierno Insular a instala tambe un Comision di Bandera cu e tarea pa organisa un concurso den pueblo pa un diseño di un bandera di Aruba.

E comision tabata consisti di e siguiente miembronan:

Julio Maduro, Wouter van Romondt, Ronald Donk y como secretario Juan E.Wever.

Mescos cu tabata e caso cu e himno di Aruba, riba dia 16 di maart 1976 Eilandsraad a aproba e diseño di e bandera oficial di Aruba.

​Dos dia despues, esta 18 di maart 1976, e acto oficial organisa pa Gobierno Insular a tuma lugar den Wilhelminastadion (e actual Compleho Deportivo Guillermo Trinidad), caminda a proclama oficialmente nos Himno y Bandera y esaki den presencia di miles di nos ciudadanonan cu a acudi pa demostra nan amor patrio y nan alegria cu Aruba tin awor tambe su propio simbolonan di union y libertad.

inauguracion-himno-y-bandera-1976a.jpg