Un lider ta un persona consistente den su actuacionnan. Un lider ta un persona positivo, cu ta duna oído na otronan, cu ta promove relacionnan sano y kende ta duna balor na su prohimo.
Un lider excepcional ta inspirá su equipo pa ta e mihor version di nan mes, pa semper desplegá moralidad y integridad halto. Pa no resorta na atakenan infundá y pa semper purba trese dilanti e berdad.
Kiko ta inspira ami pa sigui den e pasonan di un dama Promer Minister di Aruba? Wel, “Evelyn” ta un persona “cool, calm, and composed”. E tranquilidad pero alaves e asertividad aki tabata caracteristicanan fundamental di un lider excepcional cu a resalta durante e peor crisis den historia di Aruba.
Evelyn semper a recorda nos cu “this too shall pass”. E determinacion aki a inspira nos tambe como team pa mantene y promove “union di e gran famia Arubiano”. Awe, hunto Cu’Bo esfuersonan, Aruba su economia ta recuperando caba cu pasonan accelerá.
Pa e debate awe nochi mi ta desea tur participante éxito y ta spera di por mira mas lidernan manera Evelyn pa inspira nos cada uno pa ta e mihor versión di nos mes.
Evelyn, hopi éxito!