Un Partido respeta hasta den e mundo político Internacional, miembro di e organisacion Político mas grandi y respeta di Latinoamerica y Caribe, un Partido cu curashi pa enfrenta cualkier desafió, historia ta scirbi, 9 februari 1971-2022, 51 aña di un Partido MEP dedica na su Pueblo, e hechonan ta eynan, e historia ta eynan y nos ta sigi scirbi esaki, awe ami ta sintimi orguyoso di e prestigioso Partido aki, pa e hecho cu ora nos canta nos Himno y hisa nos bandera Nacional, nos ta recorda e momentonan di hubilo na 1976, Ora Nos papia Nos dushi Papiamento etimologico, Si awe Aruba tin Su propio Gobernador, su propio Parlamento, si Nos tin Nos propio Gobierno c’un Prome Ministro na cabez, si Nos tin Nos propio Banco Central, Nos propio Moneda, Nos Identidadnan Patrio, cu ta inclui tambe Tata di Nos Pais, Nos Libertador G.F.Betico Croes, Nos Status Aparte, ta mas razon nos tin pa ta Orguyoso di Movimiento Electoral di Pueblo.
Un Partido cu por demostra basa riba resultadonan di tur e eleccion nan cu MEP a participa, su firmeza, su consistencia, su seriedad a keda refleha, 2x 7 asientos, 2x 8 asientos, 5x 9 asientos, 1x 10 asientos, 1x 11 asientos, 2x 12 asientos y 2x 13 asientos, esaki ta Vox Populi, esaki ta loke Pueblo a vocifera semper di Movimiento Electoral di Pueblo MEP, mediante su voto di confiansa, esaki ta danki na tres Lider cu a hiba un liderazgo cu vision y semper bon intencion’a, un danki di curason na Nos gran lidernan Betico Croes(efm), na Nel Oduber, na Nos actual Líder Evelyn Wever Croes y sigur un danki special na nos soldadnan balente cu semper a para firme nos tras y e Pueblo di Aruba cu semper a keda respeta y balora e consistencia y seriedad di Movimiento Electoral di Pueblo, Pabien Na e famia grandi di MEP cu e di 51 aniversario di Un gran Partido Político, Nos Partido MEP, di boso amigo
Joe G. Koolman
Secr. General Internacional
Vice Presidente COPPPAL Caribe
Ex-Presidente di MEP