Rocco_edited_edited.jpg

Rocco

Tjon

Candidato #5

Logo Mep - Horizontal.png

Na 2017 mi a uni mi mes na e prestigioso partido Movimiento Electoral di Pueblo. Despues di un eleccion exitoso, cu 1213 voto, mi tabatin e honor di drenta Parlamento di Aruba pa representa pueblo.

 

E prome funcion cu mi a haya como Parlamentario tabata pa bira e lider di e Fraccion di MEP, e fraccion mas grandi den coalicion. Como lider di fraccion mi a haci mi maximo esfuerso pa guia nos fraccion y tambe aporta pa percura pa bon cooperacion entre e 3 fraccionnan den coalicion. 

 

Mirando mi experiencia riba e tereno hudicial, mi a presidi e comision fiho di Asuntonan di Husticia den Parlamento. Tambe mi tabata na encargo di e Comision di Asuntonan di Reino y e Comision Relacionnan cu Estados Unidos. Ambos comision a amplia mi conocemento y mi a cera relacionnan estrecho pa nos isla.

 

Durante 3 aña y mey mi a presenta diferente mocion y amienda. 

Mocion aproba y ehecuta pa adkeri un “prisoners’s administration system”.

Mocion aproba y ehecuta pa renegocia e condicionnan di fiansa cu Hulanda, cual a resulta beneficioso pa Aruba.

Mocion aproba pa instala ekipo digital (computer) den auto di polis.

Mocion aproba y ehecuta pa bin bek cu radarnan pa eleva siguridad na nos frontera.

Amienda presenta pa drecha aspectonan di pago pa diferente personal di Husticia.

 

Tambe mi a haci uzo di mi derecho pa entrega leynan di iniciativa. Esakinan ta:

1. Screening di Ministers y kandidaat-ministers.

2. Ley pa reglamenta financiamento di partidonan politico.

3. Introduccion di obligacion di identificacion.

4. Moderniseren roekeloos rijden

 

Como politico bo por influencia y trece cambio positivo den bida di nos ciudadanonan y p’esey mi ta convenci cu a traves di liderazgo sano, profesional y transparente, pueblo por haya confiansa bek den politica. Esaki obviamente ta posibel si nos hiba un politica riba nivel, sin insulta, al caso y critico. Y esaki mi a haci desde 2017 den Parlamento.

 

Aworaki Aruba ta para dilanti diferente reto door di e pandemia. P’esey recuperacion economico, un maneho financiero responsabel, recuperacion di nos turismo, crea cupo di trabou y traha riba un aparato hudicial eficiente y eficaz ta mas importante cu nunca. Y esey ta haci e eleccion aki uno peculiar.

 

Como profesional cu formacion y 20 aña di experiencia, mi kier haci mi aporte. Mi vision ta pa percura pa nos Aparato Hudicial funciona efectivamente door di ekipa nos profesionalnan cu tur lo necesario pa brinda e miho servicio y ayudo na comunidad. Un maneho di husticia cu ta integral, participativo, cu tin continuidad hudicial y caminda inteligencia y informacion ta e parti esencial pa combati criminaldad.