Ayera durante un reunion di comishon central nos a aproba e peticion di Minister di Husticia sr. Bikker, pa mientrastanto "vooruitlopend" riba tratamento di presupuesto di pais Aruba por adkeri cierto materialnan pa Cuerpo Policial.
MATERIAL PA GARANTISA SEGURIDAD
Esaki ta importante pa por garantisa e seguridad di e polisnan pero tambe pa garantisa seguridad di e ciudadanonan. Asina a bin un peticion pa adkeri "bulletproof- vests" y algun aparato pa frena e tiroteonan.
KLAS NOBO PA KIA y KPA
Pero tambe a duna aprobacion pa por cuminsa cu un klas nobo pa KIA y KPA. Esaki tambe ta importante pa por sigui brinda seguridad.
PA CONCLUI
Obviamente e aprobacion di parti MEP y RAIZ a wordo condiciona na e hecho cu esaki mester sosode dentro di e cuadronan financiero. Y esaki no lo ta un problema, segun Minister di Husticia sr. Bikker. Pues no ta trata di fondonan adicional, pero fondonan presupuesta den presupuesto 2021.