Ta na diferente occasion nos por a tende Toko Winklaar y Speed “Sauce” Andrade ta sconde tras di supuesto message ( sms)  cu ta drenta serka nan durante nan noticiero merdia  acusando cu MEP lo a usa plaka di Lotto pa paga e agrupacion KASSAV pa cierre di MEP su campaña. Nan no ta balente suficiente y mester sconde tras di supuesto mensage. Dicon Toko y primordialmente SPEEDY kende tin un relacion casi intimo cu Boracho e actual interim directeur na Lotto no a ricibi ningun comprobante ainda? Ta straña nos dicon e tal Boracho cu ta duna Speed tur informacion y documento no a “stoot e recibo di KASSAV pa speed” ainda?  Esaki ta simplemente pasobra e no ta existi. Por a puntra MEP libremente y MEP lo a contesta cu tur honestidad cu ta CMB a facilita e pago for di MEP su hypotheekaccount.

Awe nos ta di "hubilo" ,pasobra inteligentemente PvdA social democratanan a CORE malamente cu BALKENENDE/ BIJLEVELD/HIRSH BALLIN  e super CHANTAHISTA COLONIALISTANAN LIBERAL !!! E forma cu a IMPONE riba e gobierno debil  liberal di Antiyanan Hulandes e ultimo aNanan ta simplemente bergonsoso unda a permiti supervision colonial contra tur normanan ,dignidad y orguyo di e pueblonan di Antiyanan Hulandes haciendo tremendo uso di sadistanan cu a PERMITI esaki tambe !!! A impone cu BONEIRO ,SABA y STATIA ta bira parti di HULANDA rancando asina nos RUMANnan for di den CARIBE y benta nan como CATiBOnan den CURA PATRAS di HULANDA !!! BONEIRO ta keda CHANTAHIA y MENASA pa NO organisa REFERENDUM y ta usa MARIONETANAN BOOI/THODE/GOEDGEDRAG  cu a perde respet pa nan propio identidad pa logra tambe esaki !!! Nos ta tene nos curason awor cu ta e MESUN gobierno a keda forma atrobe na ST MAARTEN unda a logra forma un gobierno super derecho liberal cu ta cla pa ENTREGA e poco cu a keda di AUTONOMIA di Antiyanan Hulandes !!! COPPPAL hunto cu su partidonan social democrata di ARUBA, CORSOW , BONEIRO y ST MAARTEN lo sigui vigila y lo DENUNCIA INTERNACIONALMENTE mas actonan COLONIALISTA di parti di Hulanda !!! Atentamente Vice Presidente COPPPAL ,RUDY CROES

Partido AVP convirtiendo Lotto pa Deporte den un fierno completo!

STA. CRUZ -- Ken por a biba pensa ora cu un pais cu nos Arubianonan a lucha hopi aña pa nos mes por goberna nos pais, awe hendenan naci otro caminda ta trapando tur dia ariba nos. Nan ta bisa cu ora bo brinda hende hospitalidad y e haya poder, e ta abusa di dje. Bo ta mira esaki na varios di e ministronan di AVP cu tin odio y venganza contra e Arubianonan, pasobra nan ta stima nan pais y nan ta MEP. Un di esnan naci na Curaçao  ta convirtiendo Lotto pa Deporte den un fierno completo y kende tur dia ta papia di tene un audit aki aya pa yuda companianan amigo pa gana placa riba lomba di pueblo.

STA. CRUZ -- Bo ta mira cu AVP a recruta un paar di lastrador di garoshi cu por ta nan sa con pa bende auto, cuida edificionan di gobierno, piki clabo den e refineria of gamble den casino, pero di finanzas publico nan no sa nada nada. Mike Eman a busca atrobe un Hulandes Europeo como su homber di confianza ariba tereno financiero, pasobra e no ta confia ningun Arubiano, mescos su man drechi pa haci sushedad politico, tambe ta un pensionado Hulandes Europeo, kende ya ta goza di 2 pensioen plus su salario di mas di f. 20.000,00 pa luna plus yen di beneficionan.

Cu 7 aña di ladronicia di AVP mes no a bin investigacion!

STA. CRUZ -- Tur hende sa cu Mike Eman tin 8 aña ta menazando tur e gobernantenan di M.E.P. cu dia e yega den gobierno e ta bay persigui nan tur. Cu e lo laga cera nan, pasobra Henny su ruman lo a wordo investiga den e corupcion di siglo den Caribe, esta Fondo Desaryo Nobo San Nicolas. E odio y venganza di Mike Eman t’asina grandi cu e mes a acerca un accountantsbureau pa haci investigacion y pa pueblo paga. Despues cu Mike de Meza a laga sa cu e ta amigo di Director di Centrale Accountantsdienst, cu segun nan lo por haya mas informacion, nan ta kere cu C.A.D. lo por yuda colga hende.

Baba Herde mester manda un señal cla y raspa pa su gobierno:

   

STA. CRUZ -- Cu partido AVP ta un partido yoron, esaki a keda demostra durante e ultimo simannan di gobernacion di e partido aki. Alavez tur santo dia bo ta haya politiconan mediocre, manera un tal Baba Herde of un tal Alexander Tromp ta scupi nan gal berde y vies contra partido MEP, lubidando di conta pueblo cu  durante e campaña ultimo nan a priminti cu nan lo tin solucion pa tur problema cu ta existi den e pais aki. 

A.V.P. sinonimo na ilegalidad!

STA. CRUZ -- Den Rapport De Ruiter traha pa gobierno Hulandes ta poni bon cla cu Gabinete Eman di Henny Eman nunca a respeta nos leynan, a trapa riba nos leynan y cu nan a mete den husticia, den Ministerio Publico y den Cuerpo Policial. E ministro di husticia di A.V.P. directamente tabata dicidi cual polis mester haci cierto trabaonan, laga hende cu ta cera sali for di den K.I.A., manda carta cu ordo pa Procurador General, exigi pa Director di Seguridad Nacional cu mester dune lista di ken ta tap nan telefoon etc.

Mike Eman mendigando y bendiendo nos autonomia cu Hulanda

STA. CRUZ -- Ta conoci cu Hulanda a yuda pone Mike Eman na poder, unda tur clase di wega a ser hunga. Hasta Hulanda hunto cu A.V.P. a trata na bende nos e status di U.P.G.,    unda nos a ser engaña cu si nos no drenta U.P.G. nos lo bira independiente y perde nos pasaporte. Ambos argumento ta un engaño completo cu nos di MEP a desbarata completamente y e rapport di Groenboek a caba cu e mentiranan aki.

Esaki ta cambio cu pueblo a desea y vota p’e?

STA. CRUZ -- Gabinete Mike Eman a haya un mandato pa goberna e pais aki na un forma democratico, transparente y duna cuenta na tur momento. E mandato cu A.V.P. y Mike Eman a haya no ta pa abusa y persigui e hendenan di M.E.P. Mike Eman - mescos cu durante Gabinete di Henny Eman - a inicia cu e mesun manera di goberna, esta cu corupcion, ladronicia, falsedad, engaño, manipulacion etc.

FRACCION DI MEP DEN PARLAMENTO:
PREGUNTA NA GOBIERNO DI AVP RELACIONA CU E HECHO CU:

STA. CRUZ -- Fraccion di MEP den Parlamento recientemente a tuma nota di un acuerdo logra durante reunion di Conseho di Minister di Reino, caminda a keda introduci un areglo den caso cu tin diferencia di interpretacion riba e Statuut, e asina yama “Geschillenregeling”.

E mucha manda, ‘errand boy’ y loopjongen di AVP

STA. CRUZ -- Berdad ora bo lesa e comunicadonan di esnan di A.V.P. cu a haya un cabey di boto pa drenta Parlamento, bo mester conclui cu e piscanan grandi ta skirbi comunicadonan pa e chikitinnan den AVP firma.

Mike Eman gañador, manipulador instigador y traidor!

STA. CRUZ -- Durante ultimo 8 aña tur dia Mike Eman a opone tur cos cu ta bon pa nos pais.Tur proyecto e cu su gremionan comprometi tabata critica, obstaculiza, stroba y menaza Gobierno y e inversionistanan cu tur ta ladron corupto, putri te den nan wesonan, hendenan cu kier probecha di pueblo etc. Mike Eman tabata na cabez di e pandiya di e huelganan contra B.B.O., indexering y e cu su gremionan liga tabata orquestra tur e strategia di difama y demoraliza hende.

8 aña largo a gaña pueblo cu tin solucion pa tur problema

STA. CRUZ -- Despues cu Mike Eman a pasa 6 siman ta papia solamente di clabo, palo, dak, verf etc. pa loke ta su promer proyecto, esta e lapimento di e edificio di Bestuurskantoor, awor el’a cuminza pronk cu tur e plumanan di Gabinete Oduber. Danki Dios na e proyecto di compra di 11 bus for di China pa nos compania nacional Arubus N.V., e conferencia turistico internacional ‘SITE’ y e vuelo di charter for di Suecia, e tal Otmar tabata tin algo di haci den e ultimo simannan. Hecho ta cu e tal Otmar te ainda ta groggy di locual familia Eman a bis’e, esta cu e no ta ministeriabel, pa despues ora cu a pone presion, a haci’e toch ministro cu orden pa persigui e hendenan di MEP.

 “Quitate tu para ponerme yo’

STA. CRUZ -- Mirando cu Mike Eman a dirigi su mes na Spaño, Creole, Frances, Hulandes, Chines riba e anochi di eleccion pa gradici tur e hendenan di exterior cu a vota pa AVP gana eleccion, nos di MEP lo bay record’e cu locual el’a critica 8 aña largo cu ta malo, awor diripiente ta bon, pero hopi bon mes. AVP a critica cu Gabinete Oduber lo tabata tin hende ariba 60 aña ta traha pa nan cu contrato y cu nan lo tabata cobra pensioen di empleado publico, di viehez y un salario na gobierno.

Cu apenas 313 voto y di cabey boto den Parlamento:

STA. CRUZ -- Un locura y payasada completo ta locual henter comunidad por a mira den e ultimo simannan aki pa loke ta e fraccion mediocre di AVP den Parlamento. Alavez ta visto cu aki ta trata di un grupito inexperencia cu di golpi a kere cu nan por haci y deshaci den e Parlamento Arubano, sin cu ningun hende tin algo di bisa nan. Y riba dje nos ta haya un lidercito di fraccion, esta Baba Herde cu ta haci como sifuera cu e ta un gran parlamentario cu hopi experencia y astucia politico, pero cu en realidad no ta compone nada den e organo di mas halto den nos pais.  

E edificio bieu di Bestuurskantoor converti den un circo completo!

STA. CRUZ -- Un payasada completo ta locual ta tumando lugar den e ultimo simannan aki den e edificio di Bestuurskantoor bieu, caminda nos por mira tur dia con un futuro Ministro Presidente Mike Eman – despues cu cada vez cu e caba di reuni cu un director di un departamento, fundacion, sindicato, gremio, trainer di team di futbol of un hopman di un grupo scout – ta sinta yora di un supuesto desaster (?) y un situacion negativo y critico (?) cu su futuro gobierno lo bay haya su mes aden.

E midi cu AVP a midi MEP, cu e mesun midi aki nos lo midi nan!

STA. CRUZ -- Partido MEP por a tuma nota di e ultimo reaccionnan sin pia y sin cabez di Barba Herde di AVP, den cual e ta scupi su gal berde contra nos partido MEP y haciendo como sifuera cu e politiconan di AVP ta señoritanan cu nunca a yega di kibra un koppi den politica. Diripiente Baba Herde ta yora cu nos lider Nelson Oduber y otro politiconan di MEP ta lanzando constantemente critica den direccion di AVP y nan futuro ministronan.